Mutanchi Wa Kupwila Kwa Mwingilo

Mulungu wa Kutendeka January 9

Lwimbo 10

Mamini. 10: Bya kubijika bya pa kipwilo. Kwingijisha mashinda aji pa peja 8 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya February 1 ne Awake! wa January umvwe muji naye. Mu kimwesho kimo, mweshai musapwishi ubena kusapwila mu nyaunda ya busulu.

Mamini. 15: “Buku wa Baibolo Ufunjisha—Kyo Kine Kingijisho Kyetu Kikatampe kya Kufunjishishamo Baibolo.”a Tundaikai luonde kutatula mafunjisho a Baibolo mu buku wa bukumo.

Mamini. 20: “Bya Kutendeka Mafunjisho mu Buku wa Baibolo Ufunjisha.” Kwisamba na luonde ne kimwesho kufuma pa peja 3 ya kya mukachi. Twakonsha kutatula kwingijisha ponkapotu buku wa Baibolo Ufunjisha kutendeka ne kufunjisha mafunjisho a Baibolo na boba bamwesha lusekelo. Nengezhaipo bimwesho bisatu byawama bulongo, kitanshi kimwesha bya kwingijisha mapeja 4-5, kya bubiji, kimwesha bya kwingijisha peja 6, kabiji ne kya busatu kimwesha bya kwingijisha palagalafu itanshi iji pa peja 7 kutendeka lufunjisho lwa Baibolo kimye kya kubwelako. Ambaipo buneme buji mu kimwesho saka kikyangye kutendeka kabiji ne kupitulukamo umvwe kyapwa. Mapalagalafu a mu buku wa Baibolo Ufunjisha afwainwa kwipipishiwako umvwe kyakebewa. Kimwesho kyonse kyafwainwa kupwa aku musapwishi saka alayañana na mwina nzubo amba ukabwelako jibiji.

Lwimbo 125 ne lulombelo lwa kupezhako.

Mulungu wa Kutendeka January 16

Lwimbo 178

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Umvwe bantu mu kipwilo kyenu baji na biñambañamba bya kutambilapo mavidyo, batundaika bonse kutambila jimo vidyo ya Transfusion-Alternative Health Care—Meeting Patient Needs and Rights pa kwinengezha ku Kupwila kwa Mwingilo, kwa mulungu wa January 30. Kabiji bisemi byakonsha ne kwingijisha “Ifya Kupyanikapo Fisuma pa Kukuushishamo” kufuma mu buloshuwa wa Nishani Fintu Umulopa Wingapususha Ubumi Bobe? mapeja 13-15.

Mamini. 15: Bakwatankana Kuba Kyaswa Muchima wa Yehoba. Jashi ne kwisamba na luonde kufuma pa mapeja 4-7, mu buku wa Bakwatankana Kuba Kyaswa Muchima wa Yehoba. Panyuma ya kwambako pacheche kwakubula kupitaila pa maminiti asatu pa peja 4, tendekai kwisamba na luonde pa peja 5 kufika pa kamutwe kacheche kaji pa peja 7. Bibese bikwabo bya uno buku wa Bakwatankana bikafunjiwa mu Kupwila kwa Mwingilo kuji kulutwe.

Mamini. 20: “Bakyanyike Babena Kusama Pamo Nobe Byeya.”b Ipuzhaipo bakyanyike kwambapo pa byo bakonsheshe kusapwila pa sukulu. Mwakonsha kubujila jimo wakyanyike umo nangwa babiji kwambapo.

Lwimbo 107 ne lulombelo lwa kupezhako.

Mulungu wa Kutendeka January 23

Lwimbo 60

Mamini. 10: Bya kubijika bya pa kipwilo. Tangai sawakya wa mali ne makalata a kuyukanyikisha’mba ofweshi wa musampi watambwijile mibingu yenu yo mwatumine. Kwingijisha mashinda aji pa peja 8 nangwa mashinda akwabo afwainwa mu nyaunda yenu, mweshai bya kusha Kyamba kya Usopa kya February 1 ne Awake! wa February. Salaipo mwanyike umo kumweshapo kimwesho kimo.

Mamini. 15: Bibena kukebewa pa kipwilo.

Mamini. 20: “Tainga Bantu Muchima—Kupichila mu Kwipuzha Mepuzho ne Kutelekesha.”c Pa kwisamba palagalafu 2, ipuzhai luonde kwambapo pa mepuzho o batana kuba’mba engila bulongo kutendekelamo mwisambo. Mweshai bya kulengela muntu kwamba biji ku muchima wanji kupichila mu kwipuzha mepuzho ne kutelekesha bulongo.

Lwimbo 205 ne lulombelo lwa kupezhako.

Mulungu wa Kutendeka January 30

Lwimbo 197

Mamini. 5: Bya kubijika bya pa kipwilo. Vululaiko basapwishi kuleta masawakya a mwingilo wa mu bujimi wa January. Tongolai mabuku a kusha mu February, kabiji ne kumweshapo jishinda jimo.

Mamini. 25: Kukokela Mukambizho wa Lesa wa Kuzhila Mashi. Jashi na mukulumpe, kwingijisha manyusikilipiti yafuma ku ofweshi wa musampi. Pa kutendeka jashi bulañenai jimo kuba’mba bikachi bya DPA kechi bisakunembwa lelo ne. Kimye kyo abena kutanga manyusikilipiti, ñambi wakonsha kunungapo byambo bicheche bya kukosesha kishinka kikatampe, pano bino kechi wafwainwa kuvuzha byambo na bya kumwenako ne binembelo byavula ne. Binembelo byamweshiwa nangwa byanembwa byakonsha kutangiwa umvwe kimye kokiji. Pa kishinka kyafwainwa, batundaikai kutala pa byambo biji pa kabokoshi ka kuba’mba “Lunengezho lwa Bukumo lwa Kwitukwasha Kuzhila Mashi.” Munembeshi wafwainwa kupa basapwishi bonse babatizwa bikachi bya DPA ne “Mikambizho ya Kulondela pa Kunemba Kikachi kya DPA” pa kuba’mba balondelenga bulongo jashi. Kabiji munembeshi wafwainwa kumona kuba’mba tubikachi twa Identity card twavula po tuji. Mepuzho 12 aji pa peja 7 mu uno Mwingilo Wetu wa Bufumu akonsha kwingijishiwa kimye kya kupitulukamo.

Mamini 15: Lunengezho lwa Butemwe lwa Kwitukwasha. Jambiwe na mukulumpe mu kipwilo. Tangai ne kwisamba nkalata ya January 3, 2006, yafuma ku ofweshi wa musampi yatumwa ku bipwilo byonse yaamba pa mashinda a kumwenamo mu mingilo ingila Kometi ya Bambañana na ba Mingilo mu Bipatela (HLC) ne kometi ya Jibumba Jipempula Bakolwa (PVG).

Lwimbo 45 ne lulombelo lwa kupezhako.

Mulungu wa Kutendeka February 6

Lwimbo 74

Mamini. 10: Bya kubijika bya pa kipwilo.

Mamini 25: Kuyuka Kingijisho Kyetu kya Bukumo kya Kufunjishishamo. Jashi ne kwisamba na luonde. Ipuzhai luonde kwambapo pa mitwe imo iji mu buku wa Baibolo Ufunjisha yo batemwa, nabiji mepuzho a kutendekelako ne kabokoshi ka kupitulukamo kaambapo pa bishinka bikatampe bya mu kitango kyonse (mape. 106, 114), bipikichala (mape. 122-3, 147, 198), bya kulumbulula (pe. 197, mapala. 1-2). Jishinda mwanembelwa funjishisho ya uno buku yumvwanyika bulongo kabiji ikwashañana (pe. 12, pala. 12). Walondolola bintu byapela kumvwa (pe. 58, pala. 5) kabiji kupana bya kumwenako byawama (pe. 159, pala. 12). Byambo bya kutendekelako byanengezhiwa kwitukwasha kutendeka lufunjisho lwa Baibolo (mape. 3-7). Mweshai bya kwingijisha kabokoshi kaji pa peja 7 na ufunda Baibolo wakatataka. Shimikizhaipo byamwekele byawama kupichila mu kwingijisha uno buku wa bukumo.

Mamini. 10: Bupainiya bwa Kukwasha Buleta Mapesho. (Mana. 10:22) Ipuzhaipo aba baingijileko mwingilo wa bupainiya bwa kukwasha mwaka wapwa kushimikizha byo banengezhezhe pa kwingilako uno mwingilo kabiji ne lusekelo ne mapesho o bamwenejilemo mu kwingila uno mwingilo. Tundaikai bonse kulombelapo na mukoyo pa kuba’mba umvwe bakonsha bakengileko mwingilo wa bupainiya bwa kukwasha mu March, April, ne May.

Lwimbo 16 ne lulombelo lwa kupezhako.

[Tubyambo twa mushi]