Kakitenguluzha ka Mepuzho

◼ Twakonsha kuchinuzhuka byepi kuvulañanya bakwetu pa kupwila? (Mpitu. 31:12)

Na mambo amunema wa kunemeka Yehoba ne kupwila koetunengezhezha, atweba bonse twatundaikwa kufikanga bukiji ne kwinengezha kufundwa kwi aye. Kyawama bingi kutendekelapo kwikala ku bipona bya kulutwe ne kushila bakelwa ne baji na baana bya kunyuma. Kupwila saka kukyangye kutendeka, twafwainwa kumona kuba’mba twasumba bulongo biñambañamba byakonsha kuvulañanya luonde. Bya kuvulañanya bikepanako umvwe bonse twanemeka kupwila.—Sapwi. 5:1; Fili. 2:4.

Bakatataka umvwe baiya na kupwila, wibayuka mu kipwilo wakonsha kwikala nabo. Kuba bino kwakonsha kukwasha bingi umvwe baji na baana babacheche. Kampe kyo kimye kitanshi kino kisemi kushinkwako ku kupwila. Umvwe ibyo, bakonsha kutemwa kwikela ku bipona bya kunyuma ako bansemi ko bakonsha kubula kuvulañanya bakwabo umvwe bakeba kutwala mwana pangye. (Mana. 22:6, 15) Bisemi biji na baana ba bacheche kechi byafwainwa kwikala mu kibamba kikwabo mwa kuba baana bakasuluka ke bobe kyungwe ne. Kijitu bulongo nsemi kujimuna mwana nangwa kumubila byo abena kukeba pangye ne kubwela nanji mukachi.

Baasha bengila mwingilo wa kulama mutende pa nzubo ya kupopwelamo. Bakwasha bakelwa ne bisemi kumona pa kwikala. Baasha bayuka bya kukwasha bantu kumona pa kwikala kwa kubula kuvulañanya luonde. Bayuka bya kuba na byakonsha kuvulañanya bantu bipulumukatu. Baasha bakonsha kukwasha umvwe mwana kaube milukuchi yakonsha kuvulañanya bantu.

Bonse batanwa ku kupwila baji na mutembo wa kukepeshako kuvulañanya bakwabo kimye kya kufunda pe Yehoba ne pa nkebelo yanji ya mu ntanda ipya ya mutende ne bololoke.—Hebe. 10:24, 25.