Mutanchi wa Mulungu wa September 3
MULUNGU WA KUTENDEKA SEPTEMBER 3
Lwimbo 6 ne Lulombelo
□ Lufunjisho lwa Baibolo lwa Kipwilo:
gt kita. 49-50 (Mamini. 30)
□ Sukulu wa Mwingilo wa Lesa:
Kutanga Baibolo: Ezikyo 39–41 (Mamini. 10)
Na. 1: Ezikyo 40:17-31 (Mamini. 4 nangwa kubwela panshi)
Na. 2: Mu Ñanyi Mashinda Meso Etu mo Akonsha Kwitutwala Mungi?—Nte. 3:2-6 (Mamini. 5)
Na. 3: Bena Kilishitu byo Babula Kwivwanga mu bya Bumulwila Ntanda, Nanchi Kilumbulula’mba Kechi Bata Bantu Muchima Nenyi?—w07 10/1 ji. 12 ma. 15-17 (Mamini. 5)
□ Kupwila kwa Mwingilo:
Mamini. 10: Bya Kwambañana na Mwina nzubo—Lubaji 2. Mwisambo wafuma mu buku wa Sukulu wa Mwingilo, jipa 253, jifuka 3 kufika kwapela jipa 254. Ubaipo bimwesho bipi bibiji nangwa kimo kwesekana na bishinka biji mu kino kibaba.
Mamini. 10: “Kulondela Byaamba Binembelo pa Mambo a Bijilo—Lubaji 4.” Mafuka 9-16. Mepuzho ne mikumbu.
Mamini. 10: Mashinda a Kushilamo Magazini mu September. Mwisambo. Mu masekondi 30 kufika ku 60, lumbululai ene mambo ano magazini kyo afwainwa kuwamina mu nyaunda yenu. Apa bino mwingijishe mitwe itanshi iji mukachi yaamba pa mutwe mukatampe uji pa nkupiko ya Kyamba kya Usopa, ne kwambila luonde kwambapo mepuzho amo awama o bakepuzha ne kutongolapo kinembelo kyo bakonsha kwingijisha. Ubai byonkabyo ne ku Awake! kabiji umvwe kimye ko kiji, ambaipo ne pa mutwe mukwabo wa mu Kyamba nangwa Awake! Mweshai byo mwakonsha kusha magazini onse abiji.
Lwimbo 34 ne Lulombelo