Mukatambwile Benyi Bakeya

Pa 23 March, tubena kuketekela kwikala na benyi kukila mamilyonyi 12 bakeya na kutanwa ku Kivuluko. Bukekala busapwishi bwabaya bingi ñambi byo akalumbulula bukuzhi, bupe bwitupa Yehoba ne bintu byawama byo akobila bantu kulutwe. (Is 11:6-9; 35:5, 6; 65:21-23; Yoa 3:16) Pano bino, ñambi kechi ye yenkatu ukashimuna bukamonyi ku bantu pa jino juba janema ne. Ne atweba bonse tukoba bino pa kutambwila benyi bakeyanga. (Lo 15:7) Ano o mashinda o twakonsha kwingijisha pa kuba bino.

• Mukatambwile benyi ne boba bakoka ku mupashi, kabiji mwafwainwa kwibatambwila na lusekelo, kechi kufikatu mwaikala na kupembela kupwila ne

• Mukate muchima ku bantu bo mwaichile kubikapotu ne boba bakeya na mambo a kuba’mba bebapele kapepala. Ikalai na benyi ne kwingijisha nabo Baibolo ne buku wenu wa nyimbo

• Inge jashi japwa, mwakonsha kukumbula mepuzho onse o baji nao. Umvwe kimye kyakepa na mambo a kuba kuji kipwilo kikwabo kibena kutwelamo, isambai kuya na kwibamona saka pakyangye kupita moba avula. Inge kechi mwayuka ko bekala ne, mwakonsha kwamba amba: “Kupwila kwajinga byepi? Nsa kuba byepi pa kuba’mba tukamonañane nenu?”