Yoba Waambile pa Bulanda bo Ajinga Nabo

Nangwa kya kuba Yoba wapelejilwe, kufwilwa ne kukolwa, bino watwajijile kwikala muntu wa kishinka. Satana waesekele kumulefula pa kuba’mba asankilepo bu kishinka bwanji. “Balunda” nanji basatu baishile. Patanshi bamwekelenga nobe babena kumumvwina lusa. Baikele ne Yoba moba 7 kwakubula kwambapo byambo bya kumutekenesha. Palutwe kacheche, batendekele kumupamo mambo ne kumwendeleka.

Yoba watwajijile wa kishinka kwi Yehoba nangwa kya kuba wapichilenga mu makatazho

6:3; 7:16; 9:20-22; 10:1, 12

• Bulanda bukatampe bwalengejile Yoba kubula kulanguluka bulongo. Walubankenye pa kulanguluka’mba Lesa kechi wamutele muchima ne, nangwa kya kuba wajinga wa kishinka kwi aye

• Na mambo a kulefulwa, Yoba kechi walangulukilengapo ne pa bintu bikwabo byamulengejile kumanama ne

• Nangwa kya kuba wajinga na bulanda, Yoba waambile byambo ku bamupelengamo mambo byamwesheshe byo atemenwe Yehoba