BUTALA BWA MABUKU BWA PA INTANETI

Kyamba kya Usopa

BUTALA BWA PA INTANETI

mwb16 April p. 3
Tundaikainga Bakwenu ne Kwibakosesha na Byambo Byawama

Bwikalo ne Mwingilo Wetu wa Bwina Kilishitu—Kabuku ka Kupwila (2016)

mwb16 April p. 3

BYA BUNEME BIJI MU MAMBO A LESA | YOBA 16-20

Tundaikainga Bakwenu ne Kwibakosesha na Byambo Byawama

Muntu upana maana wafwainwa kwamba byambo bikoseshañana

Yoba wakebewenga kumutundaika ku bakwabo mambo wamanamine ne kupopomenwa
Balunda nanji Yoba basatu kechi baambilepo byambo bya kumutekenesha ne. Pakuba bamupelengamo mambo ne kumulengela kwikala na bijikila

Byambo byatama byaambile Bilidada byalengejile Yoba kwikala na binyenge

Yoba wasashijile Lesa amba amutekeneshe nangwa kufwatu
Yoba waketekejile kuba’mba kukekala lusanguko kabiji watwajijile kuchinchika mu bukishinka

Elihu ubena kwamba kwi Yoba Elifwaza, Bilidada, ne Zofwala saka bateleka

BAMUPELENGAMO MAMBO YOBA

Elifwaza:

Kyamweka wajinga mwina Temanyi wa mu kyalo kya Edomu. Muzhi wa Temanyi bamutongola mu Yelemiya 49:7 kuba’mba mo mwaikalanga bena Edomu, bantu ba maana
Kyamweka Elifwaza ye wajingapo mukulumpe pa “ba kutekenesha” kabiji ye watendekejilepo kwamba. Waambile jisatu kabiji ye waambile byambo byavula kukila bakwabo

Byambo byo abepejile Yoba:

Waendelekele bukishinka bwa kwa Yoba ne kwamba amba Lesa kechi waketekela bakalume banji ne (Yob 4, 5)
Waambijile Yoba amba wijantula kabiji mubi, waambile ne kuba’mba Yoba kechi wakamwa Lesa ne (Yob 15)
Waambile’mba Yoba uji na lunkumbwa ne nshiji, kabiji waambile ne kuba’mba bantu kechi banema kwi Lesa ne (Yob 22)

Bilidada:

Wajinga wa mu kisemi kya kwa Shua. Kyamweka waikelenga ku mukuzho wa Mukola wa Ufelata
Ye wajinga wa bubiji kwamba. Waambile jisatu kabiji byambo byanji byajingatu bicheche, pano bino, byatamine kukila ne bya kwa Elifwaza

Byambo byo abepejile Yoba:

Waambile’mba bya malwa bibamwekejile baana ba kwa Yoba mambo balengele mambo kabiji amba Yoba naye kechi wakamwa Lesa ne (Yob 8)
Walumbulwilenga’mba Yoba waubile bintu byatama (Yob 18)
Waambile’mba kwikala wa kishinka kechi kwanema ne (Yob 25)

Zofwala:

Wajinga mwina Naamata kabiji kyamweka wafumine ku muzhika buyeke wa Alabya
Ye wajinga wa busatu kwamba kabiji byambo byanji byakijilemo kutama. Waambiletu jibiji

Byambo byo abepejile Yoba:

Waambijile Yoba amba ubena kwabaukatu ne kuba’mba aleke byubilo byanji byatama (Yob 11)
Walumbulwilenga amba Yoba wajinga mubi kabiji wakebanga kulenga mambo (Yob 20)