BYAFWAINWA KWIKALA BENA KILISHITU
Lombelaingako Bena Kilishitu bo Babena Kumanyika
Baibolo waambijile jimo amba Satana uketumanyikanga pa kuba’mba akanye mwingilo wa kusapwila. (Yoa 15:20; Lum 12:17) Twakonsha kukwasha byepi bena Kilishitu bakwetu bo babena kumanyika mu byalo bikwabo? Twafwainwa kwibalombelangako. “Lulombelo lwa misashijilo lwa muntu waoloka luji bingi na bulume.”—Ya 5:16.
Ñanyi bintu byo twakonsha kulombapo? Twafwainwa kulomba kwi Yehoba kukwasha balongo ne banyenga yetu kuba’mba bachinchike ne kwibakwasha kubula moyo. (Is 41:10-13) Kabiji twafwainwa ne kulomba kuba’mba babiloolo baleke kukanya mwingilo wa kusapwila “pa kuba’mba twikalenga bwikalo bwa mutende bwazhindama.”—1Ti 2:1, 2.
Paulo ne Petelo byo bebamanyikilenga, bena Kilishitu bakwabo bebalombejilengako ne kwibatongola pa mazhina. (By 12:5; Lo 15:30, 31) Nangwa kya kuba kechi twayuka mazhina a bonse bo babena kumanyika ne, twafwainwa kutongola kipwilo, kyalo nangwa kibunji.