Lufuunjisho 1
Byomwakonsha Kuyuuka Bintu Bikeba Lesa
Ñanyi buyuuke bukatampe buji mu Baibolo? (1)
Ñanyi neembi wa Baibolo? (2)
Mamboka omwafwainwa kufuunjila Baibolo? (3)
1. Baibolo ke kya bupe kyanema kyafuma kwi Lesa. Iji nobe nkalata yafuma kwi shetu wabutemwe wanembela baana banji. Itulumbulwila bukiine bwa Lesa—byoaji kabiji ne misango yanji. Yalumbulula byotwafwainwa kuba na lukatazho ne byotwakonsha kutaana lusekelo lwa kiine. Baibolo bunketu yoitubula byotwafwainwa kutookesha Lesa pa muchima.—Masalamo 1:1-3; Isaya 48:17, 18.
2. Baibolo yanembelwe na bantu bapusanapusana 40 pa kimye kya myaka 1,600 kutendeka mu 1513 B.C.E.a Yapangwa na tuma buuku twatucheche 66. Banembele Baibolo bapuuilwemo na Lesa. Banembele milanguluko yanji, kechi yabotu abo beene ne. Ko kuuba’mba Lesa wa mwiulu ye Neembi wa Baibolo, kechi muntu ungitu ne.—2 Timoti 3:16, 17; 2 Petelo 1:20, 21.
3. Lesa wamwene kuuba’mba Baibolo yakopololwa ne kusungwa bulongo. Mabaibolo avula anembwa kukila mitundu yonse ya mabuuku angi. Kechi bonse basakutemwa kwimumona samubena kufuunda Baibolo ne, bino kangye muleke na mambo abino ne. Kulutwe yenu kwa myaka ne myaka kwaimana pa kumuyuuka Lesa ne kuba kyaswa muchima wanji nangwatu pekale lupata lwa byepi.—Mateo 5:10-12; Yoano 17:3.
[Tubyambo twa mushi]
a B.C.E. yalumbula “Before the Common Era [Kimye Kyetu Sakakikyangye Kufikane].”