“Jibumba jikatampe” ja bantu ja kukankalwa kubala jafuma mu bisaka byonse jikapuluka nkondo ya Amagedonyi
Nanchi Baibolo Waambapo’mba Ka?
Amagedonyi yo ika?
Bantu bamo baitabila’mba . . .
ke nkondo ya bilwilo bikatampe ikonauna bintu byonse pano pa ntanda. Mulangulukapo amba ka?
Byamba Baibolo
Amagedonyi ke mpunzha ya kifwanyikizho ya “nkondo ya aja juba jikatampe ja Lesa wa Bulume Bonse,” jo akalwa na bantu batama. —Lumwekesho 16:14, 16.
Ñanyi bintu bikwabo byo tufunda mu Baibolo?
Lesa ukalwa nkondo ya Amagedonyi, ino nkondo kechi ikonauna ntanda ne, bino ikawamisha bintu byonse byaonauna bantu.—Lumwekesho 11:18.
Nkondo ya Amagedonyi ikapwisha makondo onse.—Salamo 46:8, 9.
Nanchi bantu bakonsha kupuluka nkondo ya Amagedonyi nyi?
Mwakonsha kukumbula amba ka?
Ee
Ine
Kampe
Byamba Baibolo
“Jibumba jikatampe” ja bantu jafuma mu bisaka byonse jikapuluka “malwa akatampe,” akapwa kimye kya nkondo ya Amagedonyi.—Lumwekesho 7:9, 14.
Ñanyi bintu bikwabo byo tufunda mu Baibolo?
Lesa ukeba’mba bantu bavula bakapuluke nkondo ya Amagedonyi. Bino bantu batama ukebonauna.—Ezikyo 18:32.
Baibolo witubula byo twafwainwa kuba pa kuba’mba tukapuluke pa Amagedonyi.—Zefwaniya 2:3.