Mwafwainwa Kutamba Vidyo ya No Blood—Medicine Meets the Challenge
Nanchi mwiiyuka bulongo michi ingijishiwa kuvuzha mashi mumubiji kwakubula kubika mashinyi? Abya mwayuka bulongo michi imo ivuzha mashi mumubiji kwakubula kubika mashi nebyoingilanyi? Tambai ino vidyo nekukumbula mepuzho alondelapo mumone umvwe mwiiyukisha bulongo. —Yukai’mba: Ino vidyo imwesha bipikichala bibula kubandapo byabantu bobabena kuba opaleshonyi. Bansemi bafwainwa kuyuka jifumbi jabaana bakonsha kutambako ino vidyo.
(1) Kishinkaka kikatampe Bakamonyi bakwa Yehoba kyobakaina kubikwa mashi, kabiji jino jifunde janembwa pepi mu Baibolo? (2) Bintuka byotukebesha kuyuka pamambo amichi? (3) Ñanyi lūsa balwazhi lobaji nalo? (4) Mamboka okyaikela kyafwainwa kabiji kyamaana kukana kubikwa mashi? (5) Umvwe mashi avula afuma mumubiji, mashindaka abiji badokotala obafwainwa kwingijisha bukiji-bukiji? (6) Kubikwa mashi mumubiji kutwezha ñanyi bikola? (7) Ñanyi biñambañamba byakwingijisha badokotala boba opaleshonyi byobaji nabyo byobakonsha kwingijisha kuchina’mba mashi avula akafuma mumubiji? (8) Bintuka byomwafwainwa kukeba kwimubulako pamambo amashinda aji onse akwimubuka namuchi uvuzha mashi mumubiji kwakubula kwimubika mashine? (9) Nanchi kyakonsheka kuba opaleshonyi ikatampe kabiji yakatazha kwakubula kubika muntu mashinyi? (10) Badokotala babena kuyatu nakuvujilako bepana kubilaka Bakamonyi bakwa Yehoba, kabiji jishindaka jakonsha kumonwa’mba jojonka jawamisha kubukilamo balwazhi?
Ino vidyo ikakwasha bingi bomufunjisha Baibolo, bakwenu bamumasongola babula Bakamonyi, nangwa balongo benu, bakwenu pankito, bafunjishi benu, nebakwenu momufunjila sukulu bakonsha kwimushikisha mepuzho pamambo amashi, umvwe mwatamba nabo ino vidyo ya No Blood. Muntu mwine yewafwainwa kwifuukwila kumubukila mumashinda amweshiwa muvidyo monka mwamuswishila jiwi janji jamuchima jatoka too jibula kumuzhachisha.—Monai “Mepuzho Kufuma Kubatanga” mu Kyamba kya Usopa kya June 15 nekya October 15, 2000 kya Kibemba.