Mwenaimo mu Kutamba Vidyo ya No Blood—Medicine Meets the Challenge

Ñanyi bintu byo mwayukapo pa mambo a kwingijisha mashinda akwabo a kubukilwamo kwa kubula kwingijisha mashi? Nanchi mwayukapo mashinda amo a kubukilwamo ne byo engila nyi? Tambai ino vidyo, ne kukumbula mepuzho alondelapo.—Yukai’mba: Na mambo a kuba mu ino vidyo muji bipikichala bya bantu bo babena kuba opaleshonyi, bansemi bafwainwa kumona umvwe kya kuba baana babo bafwainwa kwiitamba nangwa ne.

(1) Ñanyi kintu kikatampe Bakamonyi ba kwa Yehoba kyo bakaina kubikiwa mashi, kabiji jino jifunde jitanyiwa pi mu Baibolo? (2) Pa mambo a kwitubuka ku kipatela, tukeba ka? (3) Ñanyi lūsa balwazhi lo baji nalo? (4) Mambo ka o kyafwainwa kabiji o kyaikela kya maana kukana kubikwa mashi? (5) Umvwe mashi afuma avula, ñanyi mashinda abiji badokotala o bengijisha? (6) Ñanyi makatazho aji mu kubikwa mashi? (7) Bingijisho ka badokotala boba opaleshonyi byo bengijisha kuchina kufumya mashi avula kimye kyo babena kuba opaleshonyi? (8) Ñanyi bintu byo mukeba kwi mubujila jimo pa mambo a mashinda akwabo a kubukilwamo? (9) Nanchi kyakonsheka kuba opaleshonyi yakilamo kukatazha kwakubula kubika mashi nyi? (10) Badokotala bavula bafuukula kwibobila ka Bakamonyi ba kwa Yehoba, kabiji mu kuya kwa moba ki ka kyakonsha kwikala jishinda ja kukwashishamo balwazhi?

Kwitaba jishinda jiji jonse ja kubukilwamo jamweshiwa mu vidyo kwaimena pa jiwi ja mu muchima ja muntu mwine.—Monai Kyamba kya Usopa kya July 1, 2004, mapeja 16-18, ne Kyamba kya Usopa kya Kibemba kya November 1, 2000, mape. 30-1.