Branch Letter

Basapwishi ba Bufumu Batemwe:

Ke kya kine kuba’mba bantu ba Yehoba kechi bamweshatu lusanchilo mu byambo byonka ne. Mu April twafikile pa kibelengelo kipya kya basapwishi 140,203. Kwingila na ngovu kwa bataya mbila ya Bufumu bonse kwalengejile bibelengelo bya maawala, bya kushajika magazini ne bya kubwelako kuyilako peulu. Twasangalele bingi pa kumona’mba kibelengelo kya mafunjisho a Baibolo afunjishiwe kyafikile ku 231,420.

Kibena kwituletela bingi lusekelo pa kumona balongo betu bavula ba mu Lusaka byo babena kwingijisha kishimikwa kya Nzubo ya Kupwilamo Kukatampe. Nzubo ya Kupwilamo Kukatampe ikwabo ya katataka ibena kushimikwa mu Kitwe, kabiji kuji ne lunengezho lwa kushimika ikwabo mu Ndola.

Mu bino bimye byakatazha mu bena kwalauka alauka bya bunonshi, mitengo ya bintu bya kutungila ne kulaminamo Mazubo Akatampe a Kupwilamo ibena kuyilako bingi peulu. Onkao mambo, Jibumba jitangijila jabala mali akataiwapo,’ ne kukambizha’mba, mu kifulo kya kutunga Mazubo a Kupwilamo Kukatampe, kwikaletu kuwamisha oa mapunzha pekela kupwila ajipo kala. (Luka 14:28) Nkebelo ke ya kunengezha mapuzha a kupwilapo akebewa bintu bya kutungila byapela bibula kukebewa mali avula.

Auno mwingilo yense wa kwingila na kizaku kutwala bintu bya Bufumu palutwe ubena kutakaikwa bingi! Twayai atweba bonse twikibike mu lulombelo kuba’mba Yehoba etukwashe kwikala bampanyi ba kupanako mali kuba’mba tukwashe mwingilo uji mu kino kyalo. (Mana. 3:9, 10) Mwane Yehoba atwajijile kupesha kwingijila kwetu pamo kwa “kumuletela lutotelo lwa kutota lukumo lwanji.”—Efi. 1:12.

Atweba balongo benu,

Ofweshi wa Musampi wa mu Zambia