Ingijishainga Mabuku a Kala o Muji nao pa Kipwilo
Bipwilo byavula biji na mabuku a kala atulama mu Mazubo abo a Bufumu. Mambo ka a kubujila kutambulako mabuku o mwabula a kubika mu butala bwenu bwa mabuku? Kampepo, anweba bamo muji nao ano mabuku a kala pa kaselechi mu kompyuta. Nangwa byonkabyo, kwikala na mabuku ene mu kifulo kya maselechi kukwasha bingi. Nanchi mubena kufunjishapo muntu Baibolo ubena kuba bulongo ku mupashi nyi? Mutundaikai kutambulako ano mabuku pa kuba’mba naye ekale na butala bwanji bwa mabuku. Kalama utangijila Sukulu wa Mwingilo wa Lesa wafwainwa kumona kuba’mba butala bwa mabuku mu Nzubo ya Bufumu bujipo na mabuku amo a kala aji pa kipwilo. Ano mabuku akingila kechi apwa nkito ne. Kyawama atweba kwingijisha ano mabuku mu kifulo kya kwiashanga pa mpunzha po tutambwila mabuku mu Nzubo ya Bufumu!