Jishinda Jimo ja Kwingijishishamo Buloshuwa wa Bible’s Message

Bantu bavula baji mu nyaunda yetu, kikatakata boba babula mu bupopweshi nangwa bumo, kechi bayuka byaamba Baibolo ne. Pa kufunjisha bantu ba uno mutundu Baibolo mu buku wa Baibolo Ufunjisha, basapwishi bamo bengijisha ne buloshuwa wa kuba’mba Bible’s Message kuba’mba bakwashe bo bafunjisha Baibolo kuyukako biji mu Baibolo. Kyakumwenako, mulongo umo wingijisha kipungu 1 kya uno buloshuwa umvwe kebafunde kitango 3 mu buku wa Baibolo Ufunjisha. Panyuma ya byobyo, wingijisha kipungu kimo kya uno Buloshuwa kwisamba na ufunda Baibolo ku mpelo ya lufunjisho. Nanchi mubena kufunda na muntu wayukilekotu pacheche Baibolo nangwa yewa wabujile kumuyukapo nangwa pachechetu nyi? Pa kuba’mba mumukwashe kufunda ‘binembelo byazhila byakonsha kumulengela kwikala na maana a kumona lupulukilo,’ mwakonsha kunungapo ne bishinka bikwabo biji mu buku wa Baibolo Ufunjisha ne mu buloshuwa wa Bible’s Message.—2 Timo. 3:15.