Abena Kumwekana Byepi?

Buno ke bwipuzho bwawama bingi bo twafwainwa kwiipuzha pa mabuku onse o tukeba kusha mu bujimi. Buku yense wavungakana, wakyukyuka, wauba ndochi nangwa watabuka ukalengela jibumba jetu kunenwa bibi kabiji wakonsha kulengela mwina nzubo kubula kutambwila mambo awama, apana bumi aji mu yewo buku.

Pano twakonsha kulama byepi mabuku etu bulongo? Bavula kibakwasha bingi kunengezha kyola kya mu mwingilo kiji na mbaji mwakubika mabuku pa kuba’mba mabuku epasha ekalenga pamo. Kyakumwenako, kyola kya uno mutundu kikala na mwakubika mabuku, mwakubika magazini ne mabuloshuwa ne mukwabo mwakubika matalakiti ne bintutu bikwabo. Kimye kyonse kyo bapwisha kwisamba na muntu, babwezha Baibolo wabo ne mabuku akwabo mo ekala pa kuba’mba abule konaika. Basapwishi bamo babika nkupiko ikwabo ku mabuku abo, ya kiseba nangwa ya pulasitiki ya kulengela buku kubula konaika. Kiji kyonse kyo twakonsha kwingijisha, kechi tukeba kulengela bantu kunena mwingilo wetu na mambo a kwibapa mabuku aonaika ne.—2 Ko. 6:3.