Nanchi Mukakotokanga Bukiji Nyi?

Basapwishi bamo batemwa kukotoka bukiji mu mwingilo. Batemwa kukotoka inge juba jashinkamana. Nangwa byonkabyo, bintu bimo byakonsha kulengela bamo kubula kubandamo. Abya mukankalwa kwingila kimye kyabaya mu busapwishi na mambotu akuba bakwenu bo muji nabo mu jibumba bakankalwa kubandamo nangwa na mambo akuba ye muteeto uji na bantu mu kimasamasa nyi? Nanchi mwakonsha kubandako pacheche mu mwingilo pa kuba’mba mwingileko mwingilo wa kusapwila ku bantu bo tusambakana mu mukwakwa nyi? Nanchi mwakonsha kubwela ku bantu bo mwisambapo nabo kala kimye kyo mubena kubwelamo ku nzubo nyi? Akilangulukai pa lusekelo lo mwikala nalo umvwe muntu ye mwisambile nanji kimye kitanshi mwamutana pa nzubo jibiji nangwa umvwe mwashila muntu Kyamba kya Usopa ne Labainga! ye mwasambakanatu mu mukwakwa. ‘Tukatotanga Lesa kupichila mwi Yesu’ umvwe tukengilenga kimye kyabaya mu mwingilo.—Hebe. 13:15.