Mashinda a Kwisambilamo

Kutatula Mafunjisho a Baibolo pa Kibelushi Kitanshi mu June

“Bantu bavula bo twisamba nabo bakeba mutende kwiya pano pa ntanda. Pano bino makondo auba ne wo. Mulanguluka’mba mambo ka pano pa ntanda kyo pabujila mutende?” Lekai akumbule. Mumweshai Kyamba kya Usopa kya June 1, ne kuya pa jipa japelako. Isambai nanji pa kamutwe katanshi ne kutangapo kinembelo kimo pa byo bamwesha. Mupai Kyamba kya Usopa ne kumulaya kimye kyo mukabwela na kwisamba bwipuzho bwalondelapo.

Yukai’mba: Byo mukasambakananga pa kuya mu mwingilo pa 1 June mukobe kimwesho kwingijisha jishinda jiji peulu.

Kyamba kya Usopa June 1

“Tubena kwisamba na balunda netu pa makatazho abena kupitamo bantu bavula. Nabiji misalululo, bantu bavula batemwa bingi kuba misalululo. Nanchi mulanguluka’mba kujipo kyalo mwabula misalululo nyi? [Lekai akumbule.] Monai Lesa byo amona bantu bonse. [Tangai Byubilo 10:34.] Kino Kyamba kya Usopa kyalumbulula Lesa byo akafumyapo misalululo yonse pano pa ntanda.”

Labainga! May–June

“Nanchi kyapela kukomesha baana ano moba nyi? [Lekai akumbule.] Bansemi bavula bengijisha mafunde a mu Baibolo pa kufunjisha baana babo. Kyakumwenako, kino kyepelo kyakwasha bansemi babalume bavula kuyuka bya kuba pa kufunjisha baana babo. [Tangai Kolose 3:21.] Kino kibaba kyamba pa mashinda 5 akonsha kukwasha bansemi babalume.”