“Nsakutambula Mabuku enu Inge ne Anweba Mutambule Ami”

Bino, byo bikumbula bena mazubo bamo. Na mambo a kuba’mba kechi tupimpuzhanya mabuku etu alumbulula Baibolo ne kutambula mabuku a mu bupopweshi asampanya bintu bya bubela ne, twakonsha kukumbula byepi muji jishinda jawama? (Loma 1:25) Twakonsha kwamba’mba: “Nasanta bingi. Pano ano mabuku ambapo amba ka pa makatazho abena kupitamo bantu? [Lekai akumbule. Umvwe wimwambila’mba mutange mu buku wanji pa kuba’mba mutane mukumbu, mwafwainwa kumubuula’mba kechi na kwimupa buku wami kwakubula kwimubula bijimo ne. Bino apa mutange nangwa kwambatu byambo biji pa Mateo 6:9, 10.] Yesu waambile’mba Bufumu bwa Lesa bukalengela kyaswa muchima wa Lesa kubiwa pano pa ntanda. Onkao mambo, mabuku o ntangatu amba pa Bufumu bwa Lesa. Nanchi mwakonsha kutemwa kuba’mba ne mubuleko bintu bimo bikoba Bufumu bwa Lesa nyi?”