Mashinda a Kwisambilamo

Kutatula Mafunjisho a Baibolo pa Kibelushi Kitanshi mu February

“Bantu bo twisamba nabo balanguluka byapusana pusana pa Baibolo. Bamo balanguluka amba Mambo a Lesa, bakwabo nabo amba bukutu. Nga anweba mulangulukapo byepi pa Baibolo?” Lekai akumbule. Mumweshai Kyamba kya Usopa kya February 1, ne kumwambila amba amone jipa japelako, isambai nanji pa kamutwe ka kutendekelapo ne kutanga kinembelo kimo. Mushilai magazini ne kumvwañana nanji juba jo mukabwelako na kwisamba bwipuzho bwalondelapo.

Kyamba kya Usopa February 1

“Bantu bavula bakeba nkondo kupwa. Nanchi mulanguluka kuba’mba pano pa ntanda pakekala mutende nyi? [Lekai akumbule.] Monai byamba Binembelo. [Tangai Salamo 46:9.] Bintu byamwekele kimye kyo kwajinga Nkondo Itanshi ya Ntanda Yonse ne panyuma, bitulengela kuketekela amba Lesa katatakatu afikizhe buno bungauzhi ne kupwisha nkondo kikupu. Uno magazini walumbulula bino.”

Labainga! January–February

“Atweba bavula tuba bintu kwesakana na byo twaumvwa nangwa byo tutanga mu mapepala a byambo. Nanchi mwalanguluka amba byambo bya pa mwela byo tumvwa bya kine nenyi? [Lekai akumbule.] Baibolo witujimunako kubula kuketekela bintu byo tumvwa. [Tangai Yoba 12:11.] Uno magazini waamba pa bintu bimo byakonsha kwitukwasha kuyuka byambo byotumvwa ne kutanga inge bya kine.”