Mashinda a Kwisambilamo

Kutatula Mafunjisho a Baibolo pa Kibelushi Kitanshi mu May

“Tubena kufwakesha balunda netu na kwisamba nabo buno bwipuzho bwanema. [Bamweshai bwipuzho butanshi buji pa jipa japelako ja Kyamba kya Usopa kya May 1.] Mwalangulukapo amba ka pa buno bwipuzho?” Lekai bakumbule. Isambai nabo byambo biji panshi ya bwipuzho butanshi ne kutanga nabo kinembelo kimo pa binembelo byo bamwesha. Panyuma ya kuba bino, bapai magazini, ne kumvwañana nabo byo mwakonsha kubwelako pa kuba’mba mukesambe bwipuzho bwalondelapo.”

Kyamba kya Usopa May 1

“Tubena kufwakesha bantu mambo a kuba’mba bantu bavula bakeba kuyuka bintu bikamweka kulutwe na lwendo. Inge ke mulanguluke pa bintu bikamweka kulutwe na lwendo, mulangulukapo amba ka? Abya mulanguluka amba mwinengezha ku byakonsha kumweka nyi, inyi mumvwa moyo? [Lekai bakumbule. Panyuma ya bino, tangai nabo kinembelo kimo pa ka kitenguluzha ka kuba’mba “Byasolola Lesa pa Bwikalo bwa Kulutwe”] Uno magazini waamba pa bintu bimo Lesa byo aamba kuba’mba bikamweka, ne byo twakonsha kushiinwa’mba kya kine bikamweka.”

Labainga! May–June

“Tubena kufwakesha balunda netu na kwibakwasha kuyuka bya kuba inge baji na bijikila. Abya mubena kulanguluka’amba lelo jino bantu baji bingi na bijikila kukila myaka ya panyuma nyi? [Lekai bakumbule.] Bantu bavula batana kuba’mba kulondela byambo bya mu Baibolo kwibakwasha kukepeshako bijikila. Monai kino kya kumwenako.[Tangai Mateo 6:34.] Uno magazini walumbulula mafunde a mu Baibolo byo akonsha kwitukwasha kuyuka bya kuba na bintu bina bilengela bijikila.”

Yukai’mba: Uno labainga wakonsha kufika bingi pa michima ya bantu boba busulu.