Mashinda a Kwisambilamo

Kutatula Mafunjisho a Baibolo pa Kibelushi Kitanshi mu October

“Tubena kufwakesha balunda netu na kwisamba nabo pa kafulumende wawama. Abya mulanguluka’mba kafulumende yense uji na bulume bwa kufumyapo makatazho nabiji bukapondo ne nshiji nyi?” Lekai akumbule. Vululaimo mwina nzubo kuba’mba mu Lulombelo lwa Nkambo, Yesu wafunjishe baana banji ba bwanga kulomba’mba uno kafulumende eye, ko kuba’mba Bufumu bwa Lesa. Mumweshai jipa japelako ja Kyamba kya Usopa kya October 1, ne kwisamba nanji byambo biji pa bwipuzho butanshi ne kinembelo kimo pa binembelo bijipo. Mushilai magazini ne kumvwañana juba jo mukabwelako na kwisamba bwipuzho bwalondelapo.

Kyamba kya Usopa October 1

“Tubena kwisamba na bakwetu pa bino byambo byayukanyikwa bingi biji mu lulombelo Yesu lo afunjishe baana banji ba bwanga. [Tangai Mateo 6:9, 10.] Nanchi mwaumvwapo kala biji Bufumu bwa Lesa ne ene mambo Yesu o aambijilepo bingi mu mafunjisho anji nyi? [Lekai akumbule.] Uno magazini wamwesha byaamba Baibolo pa Bufumu bwa Lesa ne bintu byawama byo bukaleta pano pa ntanda.”

Labainga! September–October

“Bantu bonse kimye kimo baponenwapo na bya malwa, nabiji bya malwa biyakotu bine, kikola kibula kupwa, nangwa kufwisha mutemwe. Inge bino bintu byamweka, abya mulanguluka’mba kyanema kutwajijila kwikala na muchima wawama nyi? [Lekai akumbule.] Bantu bavula batana kuba’mba Baibolo wibakwasha bingi kuchinchika bya malwa. [Tangai Loma 15:4.] Uno magazini walumbulula Baibolo byo akonsha kwitukwasha inge ke tupite mu bya malwa.”