Mashinda

A Kutendekelamo Mafunjisho a Baibolo pa Kibelushi Kitanshi mu October

“Kwesakana na byaamba Baibolo, Lesa uji na ene mambo o alengejile ntanda. Abya mwakilangulukapo kala kyaswa muchima wa Lesa ku ino ntanda nyi?” Lekai akumbule. Apa bino, mumupe Kyamba kya Usopa kya July-September, ne kwisamba nanji bishinka biji mu kamutwe katanshi kaji pa jipa 12 kabiji ne kinembelo kimo. Mushilai magazini ne kumwambila’mba mukabwelako na kwisamba bwipuzho bwalondelapo.

Kyamba kya Usopa July–September

Tangai Salamo 37:10, 11. Apa bino mwambe’mba: “Nanchi mwalanguluka’mba uno mulaye ukafikizhiwa katataka nyi? [Lekai akumbule.] Uno magazini waamba pa bungauzhi butanu na umo bubena kufikizhiwa pa kino kimye, kabiji bubena kumwesha’mba kufikizhiwa kwa uno mulaye kechi kukiji kwalepa ne.”

Awake! October

“Lelo jino, tubena kufwakesha bisemi byonse. Musakwambapo’mba ñanyi lukatazho lukatampe lubena kupitamo bansemi pa kukomesha baana? [Lekai akumbule.] Bansemi bavula baketekela mu Baibolo kwibakwasha. Kyakumwenako, bino byambo bya maana bikwasha bingi pa kufunda baana. [Tangai Efisesa 4:31.] Uno magazini wamwesha mafunde a mu Baibolo byo akonsha kukwasha bansemi kukomesha baana babo bulongo kufumatu ku bulukeke.”