Mashinda

A Kutendekelamo Mafunjisho a Baibolo pa Kibelushi Kitanshi mu February

“Mu ano moba akatazha, atweba bonse tupita mu makatazho alengela bisemi kwikala na bijikila. Mwalanguluka amba kwepi ko twakonsha kutana lutangijilo lwakonsha kwitukwasha kulengela kisemi kyetu kwikala kya lusekelo?” Lekai akumbule. Apa bino mupe mwina nzubo Kyamba kya Usopa kya January–March, ne kwisambila pamo byambo biji munshi ya kamutwe kamo pa mitwe iji pa mapa 16 ne 17 kabiji mutangepo ne kinembelo kimo pa byo bamwesha. Mushilai magazini ne kumubula kimye kyo mukabwelako na kwisamba bwipuzho bukwabo.

Kyamba kya Usopa January–March

“Bamo balanguluka amba bintu byaamba Baibolo pa mambo a kwilaala byapwa nkito kabiji kechi byanema ne. Bakwabo baswa byaamba Baibolo. Nga anweba mulangulukapo amba ka? [Lekai akumbule.] Akimonai kino kinembelo byo kyaamba pa mambo a nsulo ya mizhilo ya mu Baibolo. [Tangai 2 Timoti 3:16.] Uno magazini walumbulula Baibolo byo akumbula mepuzho jikumi epuzha bantu javula pa mambo a kwilaala. Kabiji walumbulula ne mizhilo ya mu Baibolo byo itukwasha.”

Awake! February

Bantu bavula lelo jino besamba na bakwabo kupichila mu kwingijisha Intaneti. Abya mwalanguluka amba mu kwingijisha jino jishinda ja kumvwañenamo muji bizumba nyi? [Lekai akumbule.] Mu Baibolo muji mafunde akonsha kwitukwasha kuyuka bya kwingijisha bulongo Intaneti. [Zhikulai pa mapa 6-9 ne kwisambapo bwipuzho bumo ne kinembelo kyo bamwesha.] Uno magazini ukemukwasha kuyuka ne kuchinuzhuka bizumba biji mu kwisamba na bantu kupichila mu kwingijisha Intaneti.”