Mukwekele wa Kwita Bantu ku Kivuluko Ukatendeka pa 22 March

Uno mwaka mukwekele wa kwita bantu kwiya ku Kivuluko ukatendeka pa Kibelushi pa 22 March. Bonse babena kwibatundaika kwingilako na ngovu. Byo tukasampanyanga tupepala twa lwito ku mpelo ya mulungu tukashanga ne magazini inge kyakonsheka. Pa Kibelushi kitanshi mu ñondo wa April, tukasampanyanga tupepala twa lwito, kechi kutendeka mafunjisho a Baibolo ne. Pano bino inge twatana muntu ubena kukeba kufunda twakonsha kutendeka kumufunjisha Baibolo. Kalama wa mwingilo ukamona inge kupana tupepala twa lwito mu mapunzha mutanwa bantu bavula kwakonsha kukwasha basapwishi kwita bantu bavula mu nyaunda ya kipwilo. Nembelai jimo mazhina a balunda nenu, balongo benu, bo mwingila nabo, bo mufunda nabo, ne boba bo mubwelako bo mukeba kuba’mba bakatanweko, pa kuba’mba mukebape tupepala twa lwito inge mukwekele watendeka. Twaketekela kuba’mba bantu bavula bakeya na kupwila pamo ne atweba kimye kyo tukavulukanga butemwe bwitutemwa Lesa ne Yesu.—Yoa. 3:16; 15:13.