Byo Twakonsha Kwikala na Mukoyo wa Kusapwila

Twafwainwa kwikala na mukoyo wa kuba bintu kabiji uketukwasha kupuluka mpelo ya buno bwikalo. Inge twalondela bino byalondelapo, biketukwasha kwikala na mukoyo wa kuba bintu.

• Lombainga kimye kyonse pa Bufumu.—Mat. 6:10.

• Lamawizhainga muchima wenu kupichila mu kutanga Baibolo kimye kyonse.—Hebe. 3:12.

• Ingijishainga bulongo kimye.—Efi. 5:15, 16; Fili. 1:10.

• Ikalai na ‘jiso jijitu bulongo.’ Kange mulabikwe na bintu bya mu ntanda ne.—Mat. 6:22, 25; 2 Timo. 4:10.

• Twajijilai kwikala balaba kupichila mu kuta muchima ku kufika kwa bungauzhi bwa mu Baibolo.—Mako 13:35-37.

Inge twaikala na mukoyo wa kuba bintu, uketulengela kwingilako bingi mu mwingilo uji pepi na kupwa!—Yoano 4:34, 35.