Kuwamishako Busendwe Bwetu bwa Kusapwila—Kusapwila mu Nyaunda ya Busulu

Ene Mambo o Kwanemena: Na mambo a kuba’mba bantu bavula bengila nkito kimye kyabaya, pa kuba’mba twibasapwile byambo bya Bufumu twafwainwa kuya konka ko bengijila. Mwingilo wa kusapwila mu nyaunda ya busulu wawama bingi kabiji mufuma byawama, mambo ko kutanwa bantu bavula ne bamingilo bapa mushingi boba bo bamona’mba bakonsha kupota bintu byabo. Pa kuba’mba basapwile bulongo, basapwishi bafwainwa kujimuka ne kuvwala bya mushingi. (2 Ko. 6:3) Onkao mambo, kalama wa mwingilo wafwainwa kutangijila mwingilo wa kusapwila mu nyaunda ya busulu ne kumona basapwishi bafwainwa kwingijilamo.