Bya Kwingijisha JW Library

PA KUFUNDA BAIBOLO:

• Tangai Baibolo ne kubalaula kinembelo

• Tangai Buku wa Mwaka, magazini ne mabukutu akwabo. Ingijishai ka mutanchi (bookmark)

• Nengezhai kupwila ne kushila pa mikumbu

• Tambai mavidyo

PA KUPWILA:

• Tangainga binembelo bibena kutongola ñambi. Ingijishai ka mutanchi kakonsha kwimubwezha pa kinembelo kyo mwaji kutanganga

• Inge muji na kiñambañamba kya kwingijisha mu mbaji yapusana pusana ya kupwila ne nyimbo, kechi mwafwainwa kusenda mabuku avula ne. Pa JW Library babikapo nyimbo ya katataka yo bakyangye kupulinta

MU MWINGILO:

• Mweshai ukeba kufunda Baibolo bintu bimo biji pa JW Library, kabiji mukwashai kukopolola uno mutanchi ne mabuku mu kiñambañamba kyanji

• Ingijishai ka mutanchi pa kukeba binembelo bukiji bukiji. Inge byambo byo mubena kukeba bifwamo mu Baibolo wa Binembelo bya Ntanda Ipya wa katataka, ingijishai Reference Bible ne kukeba jikwabo byo mwaji kukebanga

• Tambishai vidyo. Inge mwina nzubo uji na baana, mwakonsha kumutambishako vidyo umo pa mavidyo a kuba’mba Ikala Mulunda na Yehoba. Nangwa kumutambisha vidyo wa kuba’mba Mambo ka a Kufunjila Baibolo? pa kuba’mba mumulengele kwikala na mujojo wa kukeba kufunda Baibolo. Umvwe kya kuba wamba mulaka ungi, mutambishai vidyo wa mu mulaka wanji

• Mumweshai kinembelo mu mulaka mukwabo mu Baibolo ye mwakopolwele. Yai pa kinembelo kyo mubena kukeba ne kuchinta pa kyepelo paji byobyo byambo ne kumumwesha Mabaibolo akwabo byo atuntulula kyokyo kyepelo