BYAFWAINWA KWIKALA BENA KILISHITU
Kuwamishako Busendwe Bwetu bwa Kusapwila—Kwingijisha Mavidyo pa Kufunjisha
ENE MAMBO O KWANEMENA:
Mavidyo awama bingi mambo afika bantu pa muchima ne kwibalengela kumona bintu ne kwibyumvwa. Alengela bantu kutako muchima ne kubula kulubamo bintu byo bamona. Yehoba ye mwine witubuula bya kwingijisha bintu bimweka pa kufunjisha.—By 10:9-16; Lum 1:1.
Mavidyo a kuba’mba Nanchi Lesa uji na Jizhina Nyi?, Ñanyi Mwine Mwina Baibolo? ne wa kuba’mba Twayuka Byepi Amba Baibolo Waamba bya Kine? aamba pa bintu bikwabo bya kukwasha muntu kumvwisha biji mu lufunjisho 2 ne 3 mu buloshuwa wa Mambo Awama. Kabiji mavidyo a kuba’mba Mambo ka a Kufunjila Baibolo?, Kikala Byepi pa Kufunda Baibolo? ne Ñanyi Bintu Byubiwa pa Nzubo ya Bufumu? akatundaikanga bantu kufunda Baibolo ne kuya na kupwila. Kabiji mwakonsha kwingijisha mavidyo amo alepa ku bantu bo mufunda nabo Baibolo.—km 5/13 3.
BYA KUBA:
Kopolwelai jimo vidyo ye mukeba kukamwesha mwina nzubo
Nengezhaipo bwipuzho bumo nangwa abiji o bakumbula mu vidyo
Tambilai pamo vidyo
Isambai pa bishinka bijimo
ESEKAI BINO:
Monai kunyuma ya matalakiti ne kumumwesha pa kuchinta pa kuba’mba atambe vidyo wa Mambo ka a Kufunjila Baibolo?
Mutambishai vidyo wa kuba’mba Twayuka Byepi Amba Baibolo Waamba bya Kine? ne kumupa buloshuwa wa Mambo Awama kabiji isambai nanji lufunjisho 3