Bya Kwingijisha Mavidyo Aamba pa bya Kufunjisha Bantu Baibolo

Tuji na mavidyo ana alumbulula byo tufunjisha bantu Baibolo. Ano mavidyo beanengezhejile bañanyi?

• 

  Mambo ka a Kufunjila Baibolo?—Vidyo Yense bamunengezhejile kukwasha bantu ba mu bupopweshi bwapusana pusana kwikala na mujojo wa kufunda Baibolo. Kabiji utundaika bantu kukeba mikumbu ya mepuzho anema a mu Baibolo ne kwibakwasha kumona buneme bwa yoyo mikumbu. Kabiji walumbulula ne byo bakonsha kulomba lufunjisho lwa Baibolo.

• 

  Mambo ka a kufunjila Baibolo? (vidyo mwipi) Uno vidyo wipasha na vidyo yense, pano bino aye bamwipipisha. Uno vidyo wingila bingi bulongo mu manyaunda muji bantu bapayankana.

• 

  Kikala Byepi pa Kufunda Baibolo? Uno vidyo bamunengezhezha kukwasha bantu kwikala na mujojo wa kufunda Baibolo kyatutu ne kukumbula mepuzho o bepuzha pa luno lunengezho. Kabiji walumbulula ne bya kulomba lufunjisho lwa Baibolo.

• 

  Tubena Kwimutambwila ku Lunengezho lwa Kufunda Baibolo uno vidyo wa kutambisha boba babena kufunda Baibolo. Nangwa kya kuba uno vidyo uji pa jipa ja bubiji mu buku wa kuba’mba Mukekala Myaka ne Myaka bino mwakonsha kumutambisha mu buloshuwa wa kuba’mba Mukekala Myaka ne Myaka. Uno vidyo walumbulula biji mu uno buku ne bintu byafwainwa kuba muntu ye tubena kufunjisha Baibolo kimye kyo tubena kwisamba.

Nangwa kya kuba ano mavidyo beanengezhezha bantu bamo, bino mwakonsha kwiatambisha nangwa kutumina bantu bakwabo umvwe mukeba. Basapwishi batundaikwa kuyuka bulongo ano mavidyo ne kwiengijisha bulongo mu mwingilo.