BYAFWAINWA KWIKALA BENA KILISHITU
“Anweba Yehoba . . . Mwi Anweba mo mo Naketekela”
Mu bimye byawama ne byakatazha, twafwainwa kutwajijila kumwesha’mba twaketekela mwi Yehoba. (Sl 25:1, 2) Mu myaka kitota kya butanu na busatu B.C.E., Bayudea bajinga mu Yuda bapichile mu makatazho aesekele lwitabilo lwabo mwi Lesa. Bintu byo bapichilemo bitufunjisha byavula bingi. (Lo 15:4) Inge mwapwisha kutamba vidyo wa kuba’mba “Anweba Yehoba . . . Mwi Anweba mo mo Naketekela,” mwakonsha kukumbula byepi ano mepuzho?
Ñanyi makatazho apichilemo Hezekiya?
Hezekiya waingijishe byepi jifunde jiji pa Byambo bya Maana 22:3 byo ayukile’mba katatakatu bebabike mukañumbwañumbwa?
Mambo ka Hezekiya o abujijile kuswisha bena Asilya kuba byo bakebelenga nangwa kukwatankana na bena Ijipita?
Bena Kilishitu bakonsha kufunjilako ka kwi Hezekiya?
Ñanyi bintu byo tupitamo lelo jino byeseka lwitabilo lwetu mwi Yehoba?