Kuwamishako Busendwe Bwetu bwa Kusapwila—Kwisamba na Muntu Yense mu Nyaunda Yetu

ENE MAMBO O KWANEMENA: Zekaliya waawijile jimo amba bantu kufuma mu milaka yonse ya bisaka bya bantu ikateleka ku mambo awama. (Zek 8:23) Pano ñanyi ukebafunjisha? (Lo 10:13-15) Tuji na mwingilo wabaya bingi wa kusapwila mambo awama ku muntu yense mu nyaunda yetu.—od 84 mafu. 10-11.

BYA KUBA:

• Inengezhai. Nanchi mutaana bantu bamba mulaka ungi nyi? Mwakonsha kwingijisha JW Language app pa kuba’mba muyuke bya kwisamba na muntu mu mulaka wanji. Nangwa kampe mwakonsha kwingijisha foni wenu ne kumumwesha byo akonsha kutaana bishinka bikwabo mu mulaka wanji pa jw.org

• Kenkentainga. Inge mubena kusapwila ku nzubo ne ku nzubo mwafwainwa kusapwilanga ne bantu babena kupitatu nangwa bantu baikala mu motoka na kupembelela. Umvwe mubena kusapwila kutaanwa bantu bavula, tai muchima pa kusapwila

• Taiko muchima. Twajijilai kubwela pa mazubo po mubula kutaana bantu. Ibikaiko kusapwila bantu bonse pa mazubo abo, kampe mwakonsha kubwelako pa kimye kikwabo nangwatu juba jikwabo. Bena mazubo bamo, mwakonshatu kwisamba nabo kwingijisha makalata, kwibatumina foni nangwa inge mubena kwingila busapwishi bwa mu mukwakwa

• Bwelaingako. Inge muntu wamweka’mba ubena kukeba kufunda Baibolo, bwelaiko bukiji. Umvwe mwataana muntu wamba mulaka ungi, kebai musapwishi wayuka yewo mulaka pa kuba’mba amukwashe kumvwisha mu mulaka wanji. Mwafwainwa kutwajijila kufwakesha yewo muntu kufikatu ne kimye kikamweka basapwishi bayuka kwamba mulaka wanji.—od 94 mafu. 39-40

TAMBAI VIDYO WA KUBA’MBA KUSAPWILA “MONSE MWAPELA NTANDA,” APA BINO MWISAMBE ANO MEPUZHO:

• 

  Balongo ne banyenga benengezhe byepi pa kuba’mba basapwile bantu bekala kwalepa? (1Ko 9:22, 23)

• 

  Ñanyi makatazho o bashinjile?

• 

  Ñanyi bintu byawama byo bamwenejilemo?

• Ñanyi bintu byo mwakonsha kuba pa kuba’mba musapwile bantu bavula mu nyaunda yenu?