Mwakonsha Kufunjilako ka ku Nyimbo Yetu Ikwabo?

Ñanyi nyimbo yetu ikwabo yo mwatemwa bingi? Mambo ka o mwiitemenwa? Nanchi mwataana kuba’mba mavidyo a ino nyimbo amwesha bintu byo tupitamo pa juba pa juba nyi? Bantu bonse bakonsha kumwenamo mu ino nyimbo, mambo yamba pa bintu byavula, kabiji beimba mu misango yapusana pusana. Nangwa byonkabyo, ino nyimbo ne mavidyo kechi bya kwitusangajikatu ne.

Mu lwimbo yense muji lufunjisho lwanema lwakonsha kwitukwasha mu bwikalo bwetu bwa bwina Kilishitu ne mu mwingilo wa kusapwila. Nyimbo imo yaamba pa kutambwila benyi, pa lukwatankano, pa balunda, pa kuchinchika, pa butemwe ne pa lwitabilo. Ikwabo yamba pa kubwela kwi Yehoba, kwilekelako mambo, kwikala ba kishinka moba onse, ne kwingijila Yehoba pakatampe. Kuji ne lwimbo umo waamba pa kwingijisha bulongo mafoni. Ñanyi bintu bikwabo byo mwafunjilako ku ino nyimbo?

TAMBAI LWIMBO WA KUBA’MBA PALADISA UJITU PEPI, APA BINO MUKUMBULE MEPUZHO ALONDELAPO:

• Ñanyi mapesho aji kulutwe abena kulangulukapo bano balume ne bakazhi bakikulumpe?—Nt 12:3

• Twakonsha kukosesha byepi lwitabilo lwetu mwi Yehoba kuba’mba ukafikizha milaye yanji?

• Bañanyi bo tukatambwila katatakatu?

• Luketekelo lwetu mu Bufumu bwa Lesa lwitukwasha byepi kuchinchika meseko o tupitamo mu ano moba?—Lo 8:25