BYA BUNEME BIJI MU MAMBO A LESA | NTENDEKELO 15-17

Mambo ka Yehoba o Atumbijile Abulama ne Selai Mazhina Akwabo?

Yehoba wamonanga Abulama amba muntu waoloka. Kimye Yehoba kyo alumbulwijilenga Abulama byavula pa mulaye wanji, popo apele Abulama ne Selai mazhina akwabo alumbulwilenga bikamweka kulutwe.

Monka mwayijile mazhina abo, Abalahama waikele shanja bisaka byavula bya bantu, kabiji Sala naye waikele mushakulu wa mafumu.

Abalahama

Shanja Jibumba Jikatampe
Sala

Mwanamukazhi wa ku Bufumu

Kipikichala: Nyenga ubena kuba bingi bulongo mu kipwilo. 1. Ubena kubatizhiwa. 2. Ubena kwamba jashi pa kupwila kwa Bwikalo ne Mwingilo. 3. Ubena kutambisha mwanamukazhi vidyo mu mwingilo wa kusapwila.

Kechi twakonsha kwisajila jizhina ja kwitutumba pa kusemwa ne. Bino byonka byaubile Abalahama ne Sala, ne atweba twakonsha kulenga jizhina jawama kwesakana na byubilo byetu. Ishikishai’mba:

‘Nafwainwa kuba byepi pa kuba’mba Yehoba amonenga’mba naoloka?’
‘Jizhina ja mutundu ka jo mbena kulenga kwi Yehoba?’