Bañanyi bo Nketako?

Pa mwaka pa mwaka, twibikako kwita bantu kwiya na kutanwako ku Kivuluko. Bavula bo twita ke bantu bo twabula kuyuka. Bino twafwainwa kwitangako ne bantu bo twayuka. Javula, bantu beya na kutanwako inge bebeta ku muntu ye bayuka. (yb08-E 11 jifu. 3; 14 jifu. 1) Bañanyi bo mwakonsha kwitako?

• Balongo benu

• Bo mwingila nabo nangwa bo mufunda nabo

• Bakinkalankulo

• Bantu bo mwafunjishanga Baibolo kala, bo mufunjisha luno, ne bo mubwelako na kusapwila

Bakulumpe mu kipwilo nabo baketako basapwishi bakooka. Pano mwakonsha kuba byepi inge muntu ye mwayuka kechi wikala pepi na ko mwikala ne? Mwakonsha kumubuulako kimye ne mpunzha kukekela Kivuluko kwipi na ko ekala. Mwakonsha kuya pa keyala wa jw.org, ne kuchinta pa BAKAMONYI BA KWA YEHOBA, ne kuchinta panembwa’mba “Kivuluko.” Byo musakunengezhanga kutanwa ku Kivuluko kya uno mwaka, langulukaipo bamo bo mwakonsha kwitako.