Kuwamishako Busendwe Bwetu Bwa Kusapwila—Bya Kusapwila pa Foni

ENE MAMBO O KWANEMENA: Kusapwila pa foni ke jishinda jawama bingi kwingijisha pa “kushimuna bulongo mambo awama.” (By 20:24) Jino jishinda jakonsha kwitukwasha kusapwila bantu bo kikatazha kufwakesha ku mazubo

BYA KUBA:

• 

  Nengezhai. Salai mutwe wawama. Apa bino mwanengezha bya kwamba. Kampe mwakonsha ne kunengezha bya kwamba pa kumulumbulwila kyo mwatumina foni inge awo muntu wakumbula. Kyanema bingi kwikala ku tebulu na pepala paji bya kulondela pa kwamba ne bikwabotu bya kwingijisha, nabiji kiñambañamba kyo mwashinkwila jimo pa JW Library^® nangwa pa jw.org^®

• 

  Kulukusha muchima ne. Ambaingatu byonka byo mwamba ne kwingijisha maboko uba nobe mubena kumumona awo muntu. Kechi mwafwainwa kumamatanga pa kwamba ne. Kabiji kyawama kwingijila pamo na bakwenu. Inge ye mubena kwisamba nanji waipuzha bwipuzho, bubwezhaipo na jiwi jaumvwanyika pa kuba’mba ye mubena kwingila nanji emukwasheko kutaana mukumbu

• 

  Alai kitendekesho pa kukatendekela pa kubwelako. Inge awo muntu watako muchima, mwakonsha kusha bwipuzho bo mukakumbula kimye kikwabo po mukamutumina foni. Kabiji mwakonsha ne kumutumina buku, buloshuwa nangwa talakiti pa kiñambañamba, kumutwajila nangwa kumubikila mu enivelop ne kumutumina. Nangwa mwakonsha kumutumina vidyo. Inge mwamona’mba kijitu bulongo, mwakonsha kumubuula awo muntu lunengezho lwa kufunda Baibolo luji pa intaneti nangwa bintu bikwabotu biji pa keyala wetu wa intaneti.