“Kechi Nebatana pa Nzubo Ne!”

Nanchi mwakingijishapo kala bino byambo ku muntu ukeba kufunda Baibolo nyi? Nangwa kya kuba mubwela javula na kumona muntu pa nzubo, kechi mwakonsha kutekezha nkunwa ya bukine yo mwabyajile ne. (1 Ko. 3:6) Kimye kimo, basapwishi bamo banemba nkalata ku muntu ye babula kutana pa nzubo nangwa kusha kunshi ya kinzhilo. Basapwishi bakwabo balanguluka pa lukatazho lwa kutana muntu pa nzubo ne kumushikisha amba, “Muji na foni nyi?” Twafwainwa kunemba lwendo lwa kubwelako inge twaya na kumona muntu nangwa inge twaingijisha nkalata, intaneti, tubyambo twa pa foni, nkalata yo twashiile munshi ya kinzhilo nangwa kumutumina foni. Nangwa kya kuba kechi utanwa pa nzubo javula ne, twakonsha kumulengela kwikala na kizaku kya kukeba kufunda.