Bengila na Ngovu Kwitukwasha

Bakalama bamwanzo ne bakazhi babo bamwesha muchima wa kwipana ne butemwe byo bepana kukwasha bakwabo. Byonka byo kiji kwi atweba bonse, nabo bakeba bya mu bwikalo kabiji nabo bakoka, balefulwa ne kwikala na bijikilatu bikwabo. (Ya 5:17) Nangwa byonkabyo, mulungu yense bata muchima pa kutundaika balongo ne banyenga mu kipwilo kyo bafwakesha. Kwambatu kine, bakalama bamwanzo twafwainwa kwibapanga “mushingi mukatampe.”​—1Ti 5:17.

Mutumwa Paulo byo anengezhezhenga kufwakesha kipwilo kya bena Loma kuba’mba ‘akebape bya bupe bya mupashi’ naye watengejilenga ‘kumukosesha’ mu lwitabilo. (Lo 1:11, 12) Nanchi mwakilangulukapo byo mwakonsha kutundaika kalama wa mwanzo ne mukazhanji inge wasongola nyi?

TAMBAI VIDYO WA KUBA’MBA BWIKALO BWA BAKALAMA BAMWANZO BENGIJILA MU MAPUNZHA A KU MUZHI, APA BINO MUKUMBULE ANO MEPUZHO:

• Mu ñanyi mashinda bakalama bamwanzo ne bakazhi babo mo bamweshesha muchima wa kwipana ne butemwe mu kipwilo?

  Your answer

• Mumwenamo pa byepi mu kwipana kwabo?

  Your answer

• Twakonsha kwibatundaika byepi?

  Your answer