Mukivuluka Nyi?

Nanchi mwamwenamo mu kutanga magazini a Kyamba kya Usopa akatataka nyi? Monai inge mwakonsha kukumbula ano mepuzho:

• Yehoba watazhizhe mwepi byo aambijile bena Levi amba: “Amiwa ne kyobe kyakwabilwa”?

Mikoka yonse ya bena Isalela beyabijilepo mpunzha pa kwikala, pa kuba bena Levi Yehoba ye wajinga kyabo ‘kyakwibabilapo.’ (Bala. 18:20) Mu kifulo kya kwibabilapo ntanda bebapeleko mwingilo wanema bingi. Yehoba wibamwenanga byonse bya mu bwikalo. Ne lelo jino, aba babena kutundaika Bufumu bafwainwa kusumininwa kuba’mba usakwibamwenanga bintu bya mu bwikalo.—9/15, mapa 7-8, 13.

• Ki ka kyakonsha kukwasha mwina Kilishitu kuyuka inge byakisangajimbwe byo asalapo byawama nangwa ne?

Pa kuba’mba tuyuke amba byakisangajimbwe amba byawama kabiji bisakutokesha Yehoba ku muchima twafwainwa kwishikisha ano mepuzho asatu: Byavwangamo ka? Kimye ka kyo nafwainwa kukaya? Bañanyi bavwangwamo?—10/15, mapa 9-12.

• Jishimikila jiji mu Byambo bya Mana 7:6-23 jakonsha kwitukwasha byepi kunchinuzhuka kutamba bipikichala bya mulekese?

Kino kibaba kyaamba pa nsongwalume wayilenga mu jishinda mwikela mwanamukazhi pite. Wamongwele. Ne lelo jino, twafwainwa kuchinuzhuka misabilo ya Intaneti yo twayuka kuba’mba mutanwa bipikichala byabula kufwainwa kabiji twafwainwa ne kulomba bukwasho bwa Yehoba mu lulombelo saka tukyangye kushinkula Intaneti.—11/15, mapa 9-10.