Sekelai mu Luketekelo Lwenu

Luketekelo luji nobe kimiko. (Heb 6:19) Kitukwasha kubula kulobesha lwitabilo lwetu inge bintu biji nobe luvula lwa pa kalunga ka mema bitumwekela. (1Ti 1:18, 19) Luvula lwa pa kalunga ka mema lwakonsha kwikala kulefulwa, kubula mali, kukolwa kolwa, kufwisha muntu ye twatemwa nangwa bintutu bikwabo byeseka bukishinka bwetu.

Luketekelo ne lwitabilo bitulengela kumona bintu byawama biji kulutwe. (2Ko 4:16-18; Heb 11:13, 26, 27) Onkao mambo, inge tuji na lwitabilo lwa kuya mwiulu nangwa lwa kwikala pano pa ntanda, twafwainwa kulangulukanga pa milaye iji mu Mambo a Lesa. Kuba bino kuketulengela kutwajijila kwikala na lusekelo inge tubena kupita mu meseko.—1Pe 1:6, 7.

TAMBAI VIDYO WA KUBA’MBA SEKELAI MU LUKETEKELO, APA BINO MUKUMBULE MEPUZHO ALONDELAPO:

• Mambo ka o twafwainwa kulondela Mosesa?

• Ñanyi mwingilo uji na mitwe ya bisemi?

• Ñanyi bintu byo mwakonsha kwisambapo pa Kupopwela kwa Kisemi?

• Luketekelo lwakonsha kwimukwasha byepi inge mubena kupita mu meseko?

• Ñanyi bintu byo mubena kutengela?