MEPUZHO A MU BAIBOLO A KUMBULWA

Nanchi kyakonsheka kumvwisha biji mu Baibolo nyi?

Baibolo ke Mambo a Lesa. Iji nobe nkalata yafuma kwi shetu witutemwa. (2 Timoti 3:16) Kupichila mu Baibolo, Lesa witubula byo twakonsha kumutokesha pa muchima, ene mambo kyo aswishisha buyanji ne byo a kobila bantu kulutwe. Pano bino bantangi ba bupopweshi baalula bifunjisha Baibolo. Kino kyalengela bantu kulanguluka kuba’mba kechi bakonsha kumvwisha biji mu Baibolo ne.—Byubilo 20:29, 30.

Yehoba Lesa ukeba’mba tuyuke bukine pe aye. Onkao mambo, witupa buku wakonsha kwitukwasha kumvwisha Baibolo.—Tangai 1 Timoti 2:3, 4.

Mwakonsha kumvwisha byepi biji mu Baibolo?

Kununga pa Baibolo, Yehoba witupa bintu byakonsha kwitukwasha kumvwisha biji mu Baibolo. Watumine Yesu kwiya na kwitufunjisha. (Luka 4:16-21) Yesu wakwashishe banteleki banji kumvwisha binembelo kupichila mu kwibalumbulwila bulongo byepelo mo byatajile.—Tangai Luka 24:27, 32, 45.

Yesu watendekele kipwilo bya bwina Kilishitu pa kuba’mba mwingilo ye atendekele akatwajijile. (Mateo 28:19, 20) Lelo jino bana ba bwanga ba kwa Yesu bakwasha bantu kumvwisha bifunjisha Baibolo pe Lesa. Umvwe mukeba kumvwisha bifunjisha Baibolo, Bakamonyi ba kwa Yehoba bakonsha kwimukwasha.—Tangai Byubilo 8:30, 31.

Umvwe mukeba kuyukilapo byavula, monai kitango 2 kiji mu uno buku wanembwa na Bakamonyi ba kwa Yehoba