Mashinda a Kwisambilamo

Mambo a Bufumu Na. 38

“Mbena kwingilako mukwekele ubena kwingijiwa mwaya ntanda yonse na kusampanya ino mbila. Talakiti awe mwane.”

Byambo ku basapwishi: Pa kuba’mba mupwishe nyaunda, ambaingatu byambo bicheche. Bino nangwa byonkabyo, mwina nzubo wakonsha kumwesha lusekelo ne kukeba kuba’mba mwisambe nanji. Umvwe kyaikala bino, mwakonsha kumwipuzha byo abena kulangulukapo pa bwipuzho buji pa jipa ja kutendekelapo ne kumutangila mukumbu wa mu Baibolo uji mukachi ne kumumwesha bijimo mu talakiti umvwe kimye ko kiji. Saka mu kyangye kuya ne, mumweshai panembwa amba “Bya Kulangulukapo” bwipuzho buji kunyuma ne kumvwañana juba ja kubwelako.

Kyamba kya Usopa November 1

“Kwesakana na byo mulanguluka, ñanyi bubela bwamba bantu pe Lesa? [Lekai akumbule.] Kwesakana na byaamba Baibolo, Lesa ukeba bantu ku mutemwa ne kumuketekela. [Tangai Isaya 41:13.] Uno magazini waamba pa bintu bisatu bya bubela byamba bantu pe Lesa kabiji bilengela bantu bamo kubula kufwenya kwipi ne Lesa.”

Labainga! September–October

“Atweba bonse tukeba kwikala myaka yavula. Nanchi mulanguluka’mba kununguluka mu byasayansi kukalengela bantu kwikala myaka ne myaka nyi? [Lekai akumbule.] Akyumvwai uno mulaye byo awama. [Tangai 1 Kolinda 15:26.] Nanchi Lesa ukafikizha uno mulaye kupichila mu byasayansi nyi, nangwa ukengijisha jishinda kwabo? Pano mambo ka o tukotela ne kufwa? Uno magazini wamwesha Baibolo byo akumbula ano mepuzho.”