LIV YU LAYF LƐK KRISTIAN
Ɛp Yu Pikin dɛn fɔ Rili Gɛt Strɔng Fet pan di Wan we Mek Ɔltin
Di tin dɛn we Jiova mek de ɔnɔ am. (Sam 19:1-4; 139:14) Bɔt, Setan in wɔl de tich lay lay tin dɛn we nɔ de ɔnɔ Gɔd ɛn dɛn lay lay tin dɛn ya na bɔt usay layf kɔmɔt. (Rom 1:18-25) Aw yu go ebul fɔ mek yu pikin dɛn nɔ put dɛn kayn lay lay tichin dɛn de na dɛn maynd ɛn at? Ɛp dɛn frɔm we dɛn smɔl fɔ rili biliv se Jiova de ɛn i kia fɔ dɛn. (2 Kɔr. 10:4, 5; Ɛfi. 6:16) Tray tranga wan fɔ no di tin dɛn we dɛn de tich dɛn na skul. Ɛn tray fɔ no wetin dɛn tink bɔt dɛn tin dɛn de, ɛn yuz ɔl di tin dɛn we yu gɛt fɔ rili ɛp dɛn.—Prɔ. 20:5; Jem. 1:19.
UNA WACH DI FIM WE GƐT DI TAYTUL WETIN YU KƆMPIN DƐN SE—BILIV GƆD, DƆN UNA TƆK BƆT DƐN KWƐSTYƆN DƐN YA:
Us lay lay stori we pipul dɛn kin tɔk we i kam to fɔ biliv Gɔd?
Wetin dɛn kin tich na una skul?
Wetin mek yu biliv se Jiova de?
Aw yu go ɛp pɔsin fɔ biliv se na Gɔd mek ɔltin?