Chɛl Mala Wanaa Nya Cho Wallo Latulu Wa

Chɛhowa ke naa ‘puaapiliaa a ndepiliaa naa chieeŋndo balɔɔ silɔ’ le naa malaa (1Pi 5:​9) A nɔla ma mala naa miŋ tiu simulta naŋ komal o yooŋgu kɛndɔɔ dimioo niŋ ndaŋ ba. Le tamaseliiyo, mi kiilanɔɔ Pɔɔl sɔla tɔnɔɔ o mala Akuila, Pilisila, Sailaa, Timoti, a wanaa cheleŋnda ke ndu wo niŋ.—Wal 18:​1-5.

Vɛɛ wanaa nya cho wallo latulu wa mala yɛ num o yooŋgu kɛndɔɔ dimioo niŋ? Naapum ma chɔm num mɛɛ ŋ tosa miiŋgula makɔɔlaŋ yɛ, mɛɛ ŋ kandu Baabuiyo pɛɛkoo a waŋnda yɛ, a mɛɛ ŋ tosa pɛɛkula Baabuilaŋ yɛ. Ɔɔ ma chɔm num mɛɛ ŋ tiu simultaŋ ba yɛ. Nɛɛ ŋ yiyaŋ yɛ maa o ke num mala wanaa o kunda numndo niŋ? Nyuna ndu le malaa. A tonya, nya ŋiɔɔŋ kpou cho tɔnɔɔ sɔla o hei niŋ, nduyɛ mi keŋ tosa mi la wa a kɔl kɛndɛ.—Flp 1:​25.

TOFA VIDUEIYO HOO A TIUBA MA NƆ KƆL KƐNDƐ WANA SƆLA O WAŊNDA SIIŊGUUWO BUƐIYA NIŊNDO—CHƐL MALA CHƐHOWAA—PUAAPILIAA NAA, OKOŊ MI LA MULI NYUNALAŊ NDAŊ:

• 

  Vɛɛ Nita ndoo kindiŋ yɛ le Ched dɛɛniaa le mbo kandu kɔlaŋ o bɔŋaŋndaŋ?

• 

  Le yɛɛ o bɛnda yɛ miŋ dimul wanaa dimiaa yooŋgu kɛndiaa cheleŋ ma liila naa le kɔlaŋ pɛɛku Baabuiyo tosaa?

• 

  Yɛɛ Ched nda Abikee hɛnaŋ yɛ?

• Sɔɔŋ yɛɛ wanaa nya dimi yooŋgu kɛndɔɔ latulu wa nɔla yɛ ma pɛɛku num?