Pɛɛku Nda le Ma Hiou Lachi a Chɛhowa Piɛiyo

Sɔɔŋ yɔŋnaŋndoŋ chɔm ma te wanaa kandu yooŋgu kɛndɔɔ dimioo sɛnɛiya sɔla pɛ pɛɛkoo nyɛkɛndɛi o kandɔŋndo le kɔlaŋ lɔɔlɔɔ o wali pollo niŋ a dialuŋ fulaa, a tiuba ma simnuŋ wanaa dimiaa yooŋgu kɛndɛ kɛndiaa. (Pulɔ 22:​6; Fil 3:​16) Nuawɔ kɛɛsiaalaŋ lapum mɛɛ ŋ looku ma mala wana cho Baabuiyo pɛɛkoo wo mbo kila ŋgemelaa kɛndɔɔ le wali pollo yɛ:

• Te wana ŋ cho Baabuiyo pɛɛkoo wo sɔla dɔɔ pɛ dikeŋnaŋndo le waa wana dimiaa yooŋgu kɛndɔɔ, kandu ndu pɛɛkoo. (km-E 8/15 1) Chɔm ndu mɛɛ wali pollo cho nyɛ sɔvɛ o kɛɛsiaala ndɔla o tosa o lɔɔ bɛŋgu laŋ niŋ yɛ. (Fil 1:​10) Chɔm ndu fulamakɔɔlila kɛndɛla cho o tanda nyaa niŋndo. (Fil 4:​8) Dɛɛniaa ndu le mbo tosa wallo nda wana cho kunda wali pollo chilaŋndo nduyɛ a puaapiliaa cheleŋ le halikpeŋ mbo sɔla taasioo a mɛɛ nda tosa wali pollo yɛ.​—Pulɔ 1:​5; km-E 10/12 6 ¶3

  

• Te wana ŋ cho Baabuiyo pɛɛkoo wo yiŋ pɛ, mal ndu dɛɛniaa nduyɛ a ndu pɛɛkoo o wali pollo niŋ te, taama taama te o chiiyɔ yau “Kaala Mɛlɛka Wo” le.​—km-E 12/13 7

  

• Soliŋ nɛi tɛtɛlɔɔ kpeku te a wa pɛ a wana sɛnɛiyo o wali pollo niŋ. Te a yaŋ ndu nilaŋ o suɛi pɛ, chandu ndu a kɔl num ndo kpou. Chɔm ndu kɛɛsiaala mala ndu le mbo sɔla fulamakɔɔli kɛndɔɔ wo.​—km-E 5/10 7