တၢ်နးတၢ်ဖှီၣ်ဖးဒိၣ်အခါ ၁၀ အဂ့ၢ်

ကွၢ်လၢတၢ်ဂီၤတဖၣ်အပူၤတက့ၢ်. တၢ်ဂီၤတခါဘၣ်တခါန့ၣ် ပာ်ဖျါထီၣ်ဝဲ တၢ်နးတၢ်ဖှီၣ်လၢ ​ယဟိဝၤဒုးလီၤဘၣ်လၢ အဲၤကူပတူးအဖီခိၣ်န့ၣ်လီၤ. တၢ်ဂီၤတၢ​တခါန့ၣ် အၤဟရိၣ်တီၢ် နံၤလါထံကျိအထံလၢ အနီၣ်ထိးဘိ အဂီၤန့ၣ်လီၤ. တီၢ်ဝဲဒ်အံၤဒီး ထံတဖၣ်ကဲထီၣ်တၢ်သွံၣ်န့ၣ်လီၤ. မ့ၢ်လၢညၣ်တဖၣ်သံခဲလၢာ်အဃိ ထံတဖၣ် နၢအုၣ်နၢပူးဝဲန့ၣ်လီၤ.

လၢခံတခါ ယဟိဝၤမၤကဒီးဝဲလၢ ဒ့ၣ်တဖၣ်ကဟဲထီၣ် လၢထံကျိနံၤလါအပူၤန့ၣ်လီၤ. ဒ့ၣ်တဖၣ်အိၣ်သကုၤဆးဒး—လၢတၢ်ကုၢ်ကိၣ်အလီၢ်မ့ၢ်ဂ့ၤ, လၢကိၣ်သဘံၣ်အပူၤမ့ၢ်ဂ့ၤ, လၢလီၢ်မံအဖီခိၣ်မ့ၢ်ဂ့ၤ,—အိ, အိၣ်လၢတၢ်လီၢ်ကိးပူၤဒဲးလီၤ. ဖဲဒ့ၣ်တဖၣ်သံအခါ ပှၤအဲၤကူပတူးဖိတဖၣ် စူးဖှိၣ်ဝဲဒၣ်ဒ့ၣ်အသံတဖၣ်လီၤ. ကီၢ်ဒီဘ့ၣ်ညါန့ၣ် တၢ်နၢအုၣ်လီၤဃးမးလီၤ.

တၢ်န့ၣ်အလီၢ်ခံ, အၤဟရိၣ်တီၢ်ကဒီးဟီၣ်ခိၣ် လၢအနီၣ်ထိးဘိန့ၣ်လီၤ. တုၤနုၤတစု, ဟီၣ်ခိၣ်ကမူၣ် ဟဲကဲထီၣ်ပှၢ်လၢ်ကျါအတၢ်ဃၣ်န့ၣ်လီၤ. မ့ၣ်တၢ်ဖိဃၣ်လၢ အ့ၣ်တၢ်သ့တကလုာ်လီၤ. ပှၢ်လၢ်ကျါတၢ်ဃၣ်မ့ၢ် တၢ်နးတၢ်ဖှီၣ်သၢခါတခါလၢ အလီၤဘၣ်အဲၤကူပတူးန့ၣ်လီၤ.

တၢ်နးတၢ်ဖှီၣ်လၢခံတဖၣ်န့ၣ် ဘၣ်ဒၣ်ထဲပှၤအဲၤကူပတူးဖိတဖၣ်လီၤ. တမၤနးမၤဖှီၣ်လၢၤ ပှၤအံၣ်စရ့လးဖိဘၣ်. တၢ်နးတၢ်ဖှီၣ်လွံၢ်မံၤတခါမ့ၢ် ပကိာ်ဖးဒိၣ်တဖၣ်လီၤဆူ ပှၤအဲၤကူပတူးဖိတဖၣ်အဟံၣ်ပူၤ လၢအဖုအဂီၢ်န့ၣ်လီၤ. တၢ်နးတၢ်ဖှီၣ် ယဲၢ်မံၤတမံၤန့ၣ် လီၤလၢဆၣ်ဖိကီၢ်ဖိတဖၣ် အဖီခိၣ်န့ၣ်လီၤ. ပှၤအဲၤကူပတူးဖိအသိ, ဂီၤဖံး ဒီးမဲာ်တဲးလဲးတဖၣ် သံဝဲအါမးန့ၣ်လီၤ.

တၢ်န့ၣ်ဝံၤ, မိၤၡ့ဒီးအၤဟရိၣ် ဟံးန့ၢ်ဖၣ်ဆါတနီၤ ဒီးဖှံထီၣ်ဝဲဆူကလံၤကျါလီၤ. ထဲန့ၣ်ဒီး ကဲထီၣ်တၢ်ပူၤလီၢ်ပူၤကျဲ လၢပှၤကညီဒီး ဆၣ်ဖိကီၤဖိတဖၣ်အလိၤန့ၣ်လီၤ. တၢ်န့ၣ်မ့ၢ် တၢ်နးတၢ်ဖှီၣ်ယဲၢ်မံၤတမံၤန့ၣ်လီၤ.

လၢတၢ်အံၤအလီၢ်ခံ ဖဲမိၤၡ့ယူာ်ထီၣ်အစု ဆူမူခိၣ်အခါ ယဟိဝၤမၢ လီသီၣ်ဒီး သူၣ်စူၤလီၤဝဲဒၣ်န့ၣ်လီၤ. လၢကီၢ်အဲၤကူပတူးအပူၤ သူၣ်တၢ်နးတၢ်ဖှီၣ် တမၤအသးနးထဲအံၤနီတဘျီဘၣ်.

တၢ်နးတၢ်ဖှီၣ် ဃိးမံၤတမံၤတခီ ဒွဲၣ်ဂဲာ်အဖုအဂီၢ်တၢ်နးတၢ်ဖှီၣ်န့ၣ်လီၤ. ဒွဲၣ်ဂဲာ်အဖုအဂီၢ်ဟဲလီၤ တအါဒ်အံၤနီတဘျီဘၣ်. တၢ်လၢသူၣ်မၤဟးဂီၤတလၢာ်ဒီး တၢ်အိၣ်လီၤတဲာ်တဖၣ်န့ၣ် ဒွဲၣ်အီၣ်ကွံာ်ခဲလၢာ်န့ၣ်လီၤ.

ထီၣ်ဘးတၢ်နးတၢ်ဖှီၣ်နီၢ်ဂံၢ်ခွံတခီ မ့ၢ်တၢ်ခံးသူထီၣ်ယူၢ်ကလာ်ဖးဒိၣ်န့ၣ်လီၤ. တၢ်ခံးဖးဒိၣ်အံၤ လုၣ်ဘၢကီၢ်ဒီဘ့ၣ်ညါ ယံာ်သၢသီန့ၣ်လီၤ. ဘၣ်ဆၣ်သနာ်က့ လၢပှၤ​အံၣ်စရ့လးဖိ အတၢ်အိၣ်တၢ်ဆိးအလီၢ်တခီ မၤန့ၢ်ဝဲတၢ်ကပီၤလီၤ.

လၢခံကတၢၢ် ယွၤစံးဘၣ်အပှၤဂီၢ်မုၢ်လၢ ကဖှံဝဲ မဲာ်တဲးလဲးဖိအသွံၣ် မ့တမ့ၢ် သိဖိအသွံၣ် လၢပဲတြီအထူၣ်လိၤန့ၣ်လီၤ. တၢ်န့ၣ်အလီၢ်ခံ ယွၤအကလူး ယူၤခီဂာ်အဲၤကူပတူးအကီၢ်ဖီခိၣ်န့ၣ်လီၤ. ဖဲအထံၣ်ဝဲတၢ်သွံၣ်အခါ မူခိၣ်ကလူးန့ၣ် တမၤသံဝဲပှၤအိၣ်လၢ ဟံၣ်ပူၤန့ၣ်နီတဂၤဘၣ်. ဘၣ်ဆၣ်ယွၤအမူခိၣ်ကလူးမၤသံဝဲ ကယဲၢ်ဟံၣ်လၢအတထံၣ် တၢ်သွံၣ်ဖှံအသး လၢဟံၣ်အပဲတြီထူၣ်တဖၣ် အပှၤကညီအဖိဝဲၢ်ကိ, ဒီးဆၣ်ဖိကီၢ်ဖိအဖိဝဲကိခဲလၢာ် တုၤအလၢာ်န့ၣ်လီၤ. တၢ်န့ၣ်မ့ၢ်ဝဲတၢ်နးတၢ်ဖှီၣ်အမံၤ ၁၀ န့ၣ်လီၤ.

တၢ်နးတၢ်ဖှီၣ်လၢခံကတၢၢ်ဝံၤအလီၢ်ခံ ဖၤရိၤမၢ ပှၤအံၣ်စရ့လးဖိတဖၣ် ဟးထီၣ်ဝဲန့ၣ်လီၤ. ယွၤအပှၤဂီၢ်မုၢ်တဖၣ် အိၣ်ကတဲာ်ကတီၤအသးလၢကလဲၤဝဲလီၤ. တဟါညါအံၤန့ၣ်လီၤ ဟးထီၣ်ဝဲသ့ၣ်လၢ ကီၢ်အဲၤကူပတူးအပူၤလီၤ.