ပှၤအသးနံၣ်, ကလုာ်ဒူၣ်, ဒီးတၢ်ဘူၣ်တၢ်ဘါ မ့ၢ်တဒ်သိးဒီးနၤဒၣ်လဲာ် နမၤစၢၤအဝဲသ့ၣ် ကသ့ဧါ.
ပှၤလၢအမၤစၢၤပှၤဂၤလၢ အလိၣ်ဘၣ် တၢ်မၤစၢၤတဖၣ်န့ၣ် ကဒိးန့ၢ်ဘၣ်ဝဲတၢ်ဆိၣ်ဂ့ၤ
ပှၤအါဂၤလၢဟီၣ်ခိၣ်ဒီဘ့ၣ်န့ၣ် လိၣ်ဘၣ်ဝဲတၢ်အီၣ်တၢ်အီ ဒီးတၢ်အိၣ်တၢ်ဆိးအလီၢ်န့ၣ်လီၤ. ဒီးပှၤတနီၤနီၤခီန့ၣ် လိၣ်ဘၣ်ဝဲလၢ ကအိၣ်ဒီးတၢ်မုၢ်လၢ်လၢ ခါဆူညါအဂီၢ်လီၤ. ပမ့ၢ်မၤစၢၤအဝဲသ့ၣ်တဖၣ်န့ၣ် ပကဒိးန့ၢ်ဘၣ် ကစၢ်ယွၤအတၢ်ဘၣ်သး ဒီးအတၢ်ဆိၣ်ဂ့ၤဒ်လဲၣ်.
လံာ်စီဆှံပာ်ဖျါထီၣ်ဝဲဒ်လဲၣ်
“ပှၤလၢအသးကညီၤပှၤဖှီၣ်ဖိန့ၣ် ဒုးလိၢ်တၢ်လၢယွၤလီၤ. ဒီးတၢ်လၢအမၤဂ့ၤတၢ်န့ၣ် ယွၤကဟ့ၣ်ကၣ်အီၤလီၤ.”—ကတိၤဒိ ၁၉:၁၇.
ပကမၤစၢၤပှၤလၢ အလိၣ်ဘၣ်တၢ်မၤစၢၤန့ၣ် အခီပညီမ့ၢ်မနုၤလဲၣ်
ယ့ၣ်ၡူးတဲဖျါထီၣ် ဘၣ်ဃးဒီးတၢ်အဒိတခါလၢ အဘၣ်ဃးဒီးပိာ်ခွါတဂၤလၢ တမျာ်ဖီၣ်အီၤဒီး တီၣ်အီၤဒီး ပာ်အိၣ်တ့ၢ်အီၤလၢ အကသံအဂီၢ်န့ၣ်လီၤ. (လူၤကၣ် ၁၀:၂၉-၃၇) ဝံၤပှၤလၢတသ့ၣ်ညါအီၤတဂၤ အိၣ်ပတုာ် ဒီးမၤစၢၤဝဲပိာ်ခွါလၢ အဘၣ်ဒိဝဲ နးနးကလဲာ်တဂၤအံၤန့ၣ်လီၤ. အကလုာ်ဒူၣ် တဒ်သိးဒီးပိာ်ခွါတဂၤန့ၣ် ဘၣ်ဆၣ် အသးအိၣ်မၤစၢၤဝဲလီၤ.
ပိာ်ခွါလၢအအိၣ်ဒီး တၢ်သးကညီၤတဂၤအံၤ တမ့ၢ်ထဲလၢ အကူဆါယါဘျါဒီး မၤစၢၤအီၤဒီး တၢ်လၢအလိၣ်ဘၣ်တဖၣ်န့ၣ်ဘၣ်. တကးဒံးဘၣ် အဟ့ၣ်ဂံၢ်ဟ့ၣ်ဘါဒီး မၤမုာ်ထီၣ်က့ၤအီၤလၢ အတၢ်ကီတၢ်ခဲတဖၣ်န့ၣ်လီၤ.
ပဟံးန့ၢ်တၢ်မၤလိလၢ တၢ်အဒိတခါအံၤ ကသ့ဒ်လဲၣ်. ယ့ၣ်ၡူးပာ်ဖျါထီၣ်န့ၢ်ပှၤလၢ ကျဲမ့ၢ်အိၣ်ထီၣ်လၢ ပကမၤစၢၤဘၣ်ပှၤဂၤန့ၣ် ပကြၢးမၤအီၤလၢ အဆိအချ့လီၤ. (ကတိၤဒိ ၁၄:၃၁) လံာ်တၢ်ကွဲးအသးစီဆှံတဘ့ၣ်သိၣ်လိပှၤလၢ တယံာ်လၢၤဘၣ်န့ၣ် ကစၢ်ယွၤ ကမၤကတၢၢ်ကွံာ် တၢ်သၣ်ဝံၤလီၤဒိဒီး တၢ်နးတၢ်ဖှီၣ်တဖၣ်န့ၣ်လီၤ. ဘၣ်ဆၣ် ပကဆိကမိၣ်ဘၣ် ကစၢ်ယွၤ ကမၤဝဲဒ်လဲၣ် ဒီးလၢအခါဖဲလဲၣ်လီၤ. တၢ်ဂ့ၢ်လၢခံတခါန့ၣ် ကတဲဖျါထီၣ်ဝဲ ဘၣ်ဃးဒီး တၢ်ဆိၣ်ဂ့ၤတဖၣ်လၢ ပတၢ်ဘၣ်တ့ကစၢ်လၢ အပှဲၤဒီးတၢ်အဲၣ်တၢ်ကွံတဂၤ ကတဲာ်ကတီၤပာ်စၢၤန့ၢ်ပှၤတဖၣ်န့ၣ်လီၤ.