နမ့ၢ်ထံၣ်ဘၣ် ကျိၣ်စ့အတၢ်ကီတၢ်ခဲနာ်က့ နလဲၤခီဖျိအီၤသ့

ပအိၣ်မူဘၣ်လၢ မုၢ်နံၤခံကတၢၢ်အဃိ ပထံၣ်ဘၣ်ထဲ တၢ်ကီတၢ်ခဲ. ဒီးဟီၣ်ခိၣ်လၢ မုၣ်ကီၤလံၢ် ပၢဝဲအံၤ ဘူးကကတၢၢ်ကွံာ်လံ အဃိ တၢ်အိၣ်သးခဲလၢာ် ကီထီၣ်ဒိၣ်မး. ဘၣ်သ့ၣ်သ့ၣ်​ တဘျီတခီၣ်​ လၢပကလုၢ်အီၣ်​ ပသးသမူအဂီၢ် ပတၢ်တအိၣ်​ လၢလၢပှဲၤပှဲၤဘၣ်. (ဃဘး. ၃:၁၆-၁၈) တၢ်မနုၤ ကမၤစၢၤပှၤလၢ ပလဲၤခီဖျိ ကျိၣ်စ့တၢ်ကီတၢ်ခဲ ကန့ၢ်အဂီၢ်လဲၣ်. ယဟိဝၤယွၤ အၢၣ်လီၤဝဲလၢ အကကွၢ်ထွဲပှၤ ဒီးပမ့ၢ်ထံၣ်ဘၣ်​ တၢ်ကီတၢ်ခဲ ဒ်လဲၣ်ဂ့ၤဒ်လဲၣ်ဂ့ၤ အကမၤစၢၤပှၤ. အဃိ ပကဘၣ်​ ဆဲးနာ်န့ၢ် ယဟိဝၤယွၤ.—စံး. ၃၇:၁၈, ၁၉; ဧ့ၤ. ၁၃:၅, ၆.

တၢ်လၢနမၤအီၤသ့–

• ဃ့ယဟိဝၤယွၤ အတၢ်ဟံးစုနဲၣ်ကျဲ, တၢ်ကူၣ်သ့, ဒီးတၢ်မၤစၢၤ. —စံး. ၆၂:၈.

• တၢ်မၤလၢ နဒိးန့ၢ်ဘၣ်န့ၣ်​ နမ့ၢ်တမၤဘၣ်အီၤ နီတဘျီဒံးဘၣ်နာ်က့ သးအိၣ်မၤအီၤ.—g 1/10 8-9, boxes

• ဖးလံာ်စီဆှံ ကိးနံၤဒဲး, ထီၣ်တၢ်အိၣ်ဖှိၣ်​ ဒီးစံၣ်တဲၤတဲလီၤတၢ် ထီဘိ

ကွၢ်တၢ်ဂီၤမူ လၢအမ့ၢ် သူၣ်နဟံၣ်​ လၢအဂၢၢ်ကျၢၤ— ဖဲသုတၢ်အိၣ်တဖၣ်န့ၣ်, သူၣ်မံသးမံဒီးအီၤတက့ၢ် ဒီးစံးဆၢတၢ်သံကွၢ်တဖၣ်အံၤ–

• ဟံၣ်ဖိဃီဖိတနီၤ ထံၣ်ဘၣ်ဒီး တၢ်ကီတၢ်ခဲ မနုၤလဲၣ်.

• တၢ်လၢအရ့ဒိၣ်ကတၢၢ် လၢပတၢ်အိၣ်မူ အပူၤန့ၣ်​ မ့ၢ်မနုၤလဲၣ်.

• ပမၤစၢၤပှၤလၢ အထံၣ်ဘၣ်ဒီး ကျိၣ်စ့တၢ်ကီတၢ်ခဲ ကသ့ဒ်လဲၣ်.