တၢ်ကတိၤအိးထီၣ် အကူာ် ၁၀
ယဟိဝၤယွၤ မ့ၢ်စီၤပၤလၢ အဒိၣ်ကတၢၢ်. စးထီၣ်လၢ အခီၣ်ထံးလံၤလံၤန့ၣ် ယဟိဝၤယွၤ အိၣ်ဒီးတၢ်စိတၢ်ကမီၤလၢ ပှၤခဲလၢာ်အဖီခိၣ် ဒီးပှၤတြီအီၤတန့ၢ် နီတဂၤဘၣ်. အဒိ ကစၢ်ယွၤမၤပူၤဖျဲး ဝံယံးရမံယၤ လၢတၢ်ပူၤ. ဒီးအဝဲမၤပူၤဖျဲး စီၤၡၤဒရး, စီၤမ့ၤၡး ဒီးစီၤဧဘ့ၤဒနကိၤ လၢမ့ၣ်အူပူၤ ဒီးမၤပူၤဖျဲးစီၤဒၤနံးယ့လး လၢခ့ယုၢ်တဖၣ်အကိာ်ပူၤ. တကးဒံးဘၣ် ယဟိဝၤယွၤ ဒီသဒၢဝဲ နီၢ်အ့ၤစတၢ် ဒ်သိးနီၢ်အ့ၤစတၢ် ကမၤပူၤဖျဲးဝဲ အပှၤကလုာ်အဂီၢ်. ကစၢ်ယွၤ တပျဲဝဲလၢ တၢ်အၢတၢ်သီ ကအိၣ်ဝဲလီၤထူလီၤယိာ်ဘၣ်. ဝံအတၢ်စံးပာ်ဘၣ်ဃးဒီး တၢ်ဂီၤဖးဒိၣ် ဒီးသ့ၣ်ထူၣ်န့ၣ် ဒုးသ့ၣ်ညါပှၤလၢ တယံာ်လၢၤဘၣ် ယဟိဝၤယွၤအဘီအမုၢ် ကမၤလီၤမၢ်ကွံာ် တၢ်အၢတၢ်သီခဲလၢာ် ဒီးဘီမုၢ်အံၤ ကပၢက့ၤဟီၣ်ခိၣ်.