ဂုာ်ကျဲးစၢးလၢ တၢ်စံၣ်တဲၤတဲလီၤတၢ်မၤအပူၤ | နတၢ်သးခု ကအါထီၣ်လၢ တၢ်သးခုကစီၣ်တၢ်မၤအပူၤအဂီၢ်
မၤစၢၤနပှၤမၤလိလံာ်စီဆှံဖိလၢ ကထီၣ်တၢ်အိၣ်ဖှိၣ်
တၢ်အိၣ်ဖှိၣ်ရိဖှိၣ်န့ၣ် မ့ၢ်တၢ်အရ့ဒိၣ်လၢ တၢ်ဘူၣ်ထီၣ်ဘါထီၣ် စီဆှံအဂီၢ်. (စံး. ၂၂:၂၂) ပှၤခဲလၢာ်လၢ အပာ်ဖှိၣ်ထီၣ်အသးလၢ ကဘူၣ်ထီၣ်ဘါထီၣ် ယဟိဝၤယွၤန့ၣ် ဒိးန့ၢ်ဘၣ် တၢ်သးခု ဒီးတၢ်ဆိၣ်ဂ့ၤတဖၣ်. (စံး. ၆၅:၄) အါတက့ၢ် ပှၤမၤလိလံာ်စီဆှံဖိလၢ အဟဲထီၣ်တၢ်အိၣ်ဖှိၣ်ထီဘိန့ၣ် လဲၤထီၣ်လဲၤထီချ့မးလီၤ.
ဒ်သိး နပှၤမၤလိလံာ်စီဆှံဖိ ကဟဲထီၣ်တၢ်အိၣ်ဖှိၣ်အဂီၢ် နမၤစၢၤအီၤကသ့ဒ်လဲၣ်. ဆဲးကွဲမုာ်အီၤလၢ ကဟဲထီၣ်တၢ်အိၣ်ဖှိၣ်အဂီၢ်. ဒုးကွၢ်အီၤ တၢ်ဂီၤမူလၢအမ့ၢ် ဖဲဘီမုၢ်ဘျီၣ်ဒိၣ်န့ၣ် ပှၤမၤတၢ်မနုၤလဲၣ်. တဲပၠးအီၤတၢ်အဘျုးလၢ နဒိးန့ၢ်ဘၣ် ခီဖျိလၢ နထီၣ်တၢ်အိၣ်ဖှိၣ်အဃိ. (lff တၢ်မၤလိ ၁၀) တဲပၠးအီၤတၢ်ဂ့ၢ်လီၤလီၤဆီဆီလၢ နမၤလိဘၣ်အီၤလၢ တၢ်အိၣ်ဖှိၣ်အပူၤ မ့တမ့ၢ် တဲပၠးအီၤ တၢ်ဂ့ၢ်တၢ်ကျိၤလၢ ပကမၤလိအီၤလၢ တၢ်အိၣ်ဖှိၣ်လၢခံတဘျီအဂီၢ်. ဟ့ၣ်အီၤလံာ်လဲၢ်လၢ ပှၤကမၤလိအီၤလၢ တၢ်အိၣ်ဖှိၣ်အဂီၢ်. ဘၣ်သ့ၣ်သ့ၣ် အဝဲသ့ၣ်ကလိၣ်ဘၣ် တၢ်မၤစၢၤလၢ ကဟဲထီၣ်တၢ်အိၣ်ဖှိၣ်အဂီၢ်အဃိ နကဘၣ်မၤစၢၤအီၤ. နတၢ်ဂုာ်ကျဲးစၢးန့ၣ် အဘျုးကအိၣ်ဝဲဖဲ နပှၤမၤလိလံာ်စီဆှံဖိ စးထီၣ် ထီၣ်တၢ်အိၣ်ဖှိၣ်အခါလီၤ.—၁ ကရံၣ်. ၁၄:၂၄, ၂၅.
ကွၢ်တၢ်ဂီၤမူလၢအမ့ၢ် မၤစၢၤနပှၤမၤလိလံာ်စီဆှံဖိလၢ ကထီၣ်တၢ်အိၣ်ဖှိၣ် ဒီးစံးဆၢ တၢ်သံကွၢ်လၢ လာ်တဖၣ်အံၤ–
တၢ်ခွဲးတၢ်ယာ် မနုၤအိၣ်ထီၣ်လၢ နံထၣ် ကကွဲမုာ်ဝဲဖီဒ့ၣ်ညါလၢ ကဟဲထီၣ်တၢ်အိၣ်ဖှိၣ်အဂီၢ်လဲၣ်.
ဖဲပှၤမၤလိလံာ်စီဆှံဖိ ဟဲထီၣ်တၢ်အိၣ်ဖှိၣ်အခါ ဘၣ်မနုၤအဃိ ပသးခုလဲၣ်.
“ကစၢ်ယွၤအိၣ်လၢ သုကျါနီၢ်ကီၢ်”
ဖဲဖီဒ့ၣ်ညါ ဟဲထီၣ်တၢ်အိၣ်ဖှိၣ် အဆိကတၢၢ်တဘျီအခါ အဝဲထံၣ်ဘၣ်တၢ်မနုၤလဲၣ်.