မၤစၢၤနပှၤမၤလိ လံာ်စီဆှံဖိလၢ ကဟးဆှဲးတၢ်ရ့တံၤရ့သကိးလၢ အတဂ့ၤ

နပှၤမၤလိလံာ်စီဆှံဖိ ကအိၣ်ဒီးတၢ်ရ့လိာ်သးဒီး ယဟိဝၤယွၤအဂီၢ် အဝဲသ့ၣ်ကဘၣ်ဃုထၢဝဲ တံၤသကိးလၢအဂ့ၤတဖၣ်. (စံး. ၁၅:၁, ၄) တံၤသကိးလၢအဂ့ၤတဖၣ်န့ၣ်​ ကမၤစၢၤအဝဲသ့ၣ်ဒ်သိး ကမၤတၢ်လၢအဘၣ်အဂီၢ်လီၤ.—ကတိၤ. ၁၃:၂၀; lff တၢ်မၤလိ ၄၈.

ဖဲနမၤစၢၤ နပှၤမၤလိလံာ်စီဆှံဖိလၢ ကဟးဆှဲး တၢ်ရ့တံၤရ့သကိးလၢ အတဂ့ၤတဖၣ်အခါ နကဘၣ်အိၣ်ဒီး တၢ်ဒိသူၣ်ဒိသးလီၤ. အဝဲသ့ၣ်ကပာ်တ့ၢ်ကွံာ် အတံၤသကိးလၢ တၢ်ချၢတဖၣ်န့ၣ်​ ဘၣ်သ့ၣ်သ့ၣ်​ ကကီလၢအဂီၢ်. အဃိ နကဘၣ်ပာ်ဖျါထီၣ်လၢ နသးအိၣ်အဝဲသ့ၣ်နီၢ်ကီၢ် ခီဖျိ နဆှၢန့ၢ်အဝဲသ့ၣ်​ မဲးစ့း, ကိးအီၤလၢ လီတဲစိ မ့တမ့ၢ် လဲၤဟးအိၣ်သကိးအီၤ. နပှၤမၤလိလံာ်စီဆှံဖိ မ့ၢ်လဲၤထီၣ်လဲၤထီန့ၣ်​ နကွဲမုာ်အဝဲသ့ၣ်လၢ ကရ့လိာ်အသးဒီး ဒီပုၢ်ဝဲၢ်မုၣ်ခွါတဖၣ်သ့လီၤ. နမ့ၢ်မၤဒ်န့ၣ်န့ၣ်​ အဝဲသ့ၣ်ကသ့ၣ်ညါဘၣ်ဝဲလၢ အဒိးန့ၢ်ဘၣ်တၢ်အါန့ၢ်ဒံး တၢ်လၢအဘၣ်တူၢ်ၡူဝဲတဖၣ်လီၤ. (မၢ်. ၁၀:၂၉, ၃၀) ဖဲနထံၣ်ဘၣ်​ ယဟိဝၤယွၤ အဟံၣ်ဖိဃီဖိ ဟဲအါထီၣ်အခါ နၤစ့ၢ်ကီးနကသးခုလီၤ.

ကွၢ်တၢ်ဂီၤမူလၢအမ့ၢ် မၤစၢၤ နပှၤမၤလိလံာ်စီဆှံဖိတဖၣ်လၢ ကဟးဆှဲး တၢ်ရ့တံၤရ့သကိးလၢအတဂ့ၤ ဒီးစံးဆၢတၢ်သံကွၢ်လၢ လာ်တဖၣ်အံၤ–

• တၢ်ရ့တံၤရ့သကိးလၢအတဂ့ၤန့ၣ်​ မ့ၢ်မနုၤလဲၣ်.—၁ ကရံၣ်. ၁၅:၃၃

• ဖီဒ့ၣ်ညါ ထံၣ်တမှံကွၢ်ဝဲလၢ ခရံာ်ဖိအတၢ်ရ့လိာ်မုာ်လိာ်န့ၣ်​ အိၣ်ဝဲဒ်လဲၣ်.

• ဒ်သိးဖီဒ့ၣ်ညါ ကပာ်တ့ၢ်ကွံာ်ဝဲ အတံၤသကိးလၢ အတဂ့ၤတဖၣ်အဂီၢ် နံထၣ်မၤစၢၤအီၤဒ်လဲၣ်.